شهفهق/ ههرێم كوردستان شوون و ماواى پڕ ئاسایشیگه ئهرا عراقیهیل لهوهر خاتر وهسهربردن وهختهیل خوهش و
بڕیگ وچانداین و رووژهیلیگ تا لهگهرمى تاوسان دویرهو بكهفن ك لهپهنجا پله كرده بان، تا بتویهنیگ لهههرێم كوردستان خوهش لهلى بگوزهریگ لهناوچهیل جوان گهشت و گوزارى و خاوهن سروشت سحرى و دڵڕفن، ئهیه بیجگه سهقامگیرى ئسایشى و ئارامى لهههرێم.
ههر لهوهر ئهوهیش دوینیم عراقیهیل روى كهنه ههرێم كوردستان تا بتویهنن كهمیگ وچان بیهن و گهشتیارهیل گشت ههوهجهیگ ئهرایان ئاسانه جویر میوانخانهیل خاس و پاك و پڕ لهخزمهتگوزارى ك لهتیان پیشكهش وه گهشتیارهیل كریهیگ ، ئهیه بیجگه ئهو ئاشخانهیله ك ناوبانگى دهركردنه لهپیشكهشكردن خواردن خاس و پاك و خوهشتام، ك وهگوورهى مهرجهیل تهنروستى پاك و تهمیزن.
بیگومان جدویر ئهوهك دیار و ئاشكراس ك كهرت یا قهتاع گهشت و گوزار لهههرێم پیشكهفتن و گهشهكردن خاسیگ وهخوهیهو دوینیگ لهوساوه ك حكوومهت ههرێم گرنگى یا ئههمیهت وهپى دهیگ .
حكوومهت كوردستان ئهوه بوى ك دهسكرده پیشكهشكردن ئاسانكارى گهورایگ ئهرا كومپانیایهیل گهشتیارى و ئهو گهشتیارهیله ك هاتیان ئهرا ناوچهیل گهشتیارى له پاریزگایهیل ههرێم جویر ههولێر و سلێمانى و دهۆك. ههر لهوهر ئهوهیش حكوومهت ههرێم دهسكرده ئامادهكردن میوانخانهو ئاشخانهیل خاس و گرنگى یا ئههمیهت خاسیگ وه دراستانهیل ك جوانى دانهسه سروشت دڵڕفن كوردستان. له ههرێم كوردستان 349 میوانخانهو 921 ئاشخانه ههس ك 297 ئاشخانهى گهشتیارى و ئهو باقیهگهى مللییه.
ساڵانه كهرت گهشتیارى له ههرێم پیشكهفتن فرهیگ وهنسبهت 40% وهخوهیهو دوینیگ . ئنجا لهساڵ 2010 ئهوه بوى ك 392 ههزار گهشتیار رویكردنه ههرێم كوردستان، وهلى لهساڵ 2011 شمارهگه زیاترهو بوى و رهسیه 568 ههزار گهشتیار.
وهبوونهى عهید رهمهزان موبارهكیش شمارهى فراوانیگ لهمهردم شارهیل عراقهو لهناوڕاس و باشوورى ڕویكردنه ههرێم، چوینكه ههرێم كوردستان تهنیا شوونیگه ئهرا ئسراحهت عراقیهیل. ئنجا لهى عهیده 41 ئاشخانه له پاریزگاى ههولێر و 30 ئاشخانه لهدهۆك و 40 ئاشخانه له پاریزگاى سلێمانى واز كریا ، چوینكه ههرێم شمارهیگ له ههوارگهو ناوچهیل گهشتیارى گریگه خوهى جویر ههوارگهى سهرچنار، ئهحمهد ئاوا، دوكان، جهوهڵ ئهزمهڕ، بیخاڵ، عهلى بێگ ، شهقڵاوه، سۆلاڤـــــ، سهرسهنگ ...هتد. ك گهشتیارهیل وه فرهیى روى لهى شوونهیله كهن، ههر لهوهر ئهوهیش دهسهى گشتى گهشت وگوزار لهههرێم كوردستان، سهنتهر زانیاریهیل و خزمهتگوزارى گهشتیارى لهههرێم دامهزران وه ئامانج پیشكهشكردن زانیارى و خزمهتكردن ئهرا گهشتیارهیل جویر داین زانیارى لهبان شوونهیل گهشتیارى و دابینكردن شوون نیشتهجى ئهرا ئسراحهتكردن و سهیارهى كرایه لهگشت وهختیگ وهگوورهى شمارهى تهلهفۆن و مۆبایل تایبهتكریاگ لهگشت شوونهیل گهشتیارى و هووكارهیل رهسانن یا ئعلام. ئنجا ههرێم كوردستان ئیسه تواناى وهرگرتن 150ههزار گهشتیار دیریگ ، یهیش لهوهختیگ ك لهساڵ 2007 تواناى وهرگرتن نزیكهى 10ههزار داشت.
محهمهد عهلى سهماوى
| < پێشتر | دواتر > |
|---|
