شهفهق/ د. مونیره ئهحمهد
كورد رهسیه كووتایى. ئنجا لهناونى ئاشكراكردن ئهو پرووسهى خودموختاریه لهئادار ساڵ 1970، چشتهیل گهورایگ رویدا وهچهواشهى قهوڵهیل و ئهو ئاشكراكردنه لهلایهن دهسڵات فاشیزم لهبهغدا.
ئهوه بوى ك دهسكریا پهلامار گهورایگ و دهركردن كوردهیل فهیلى، ئهویش لهشوون ئهوهك پشتگیرى خوهیان نیشاندان ئهرا شووڕش كورد، یهیش لهوهختیگ ك ههوڵ ئهوهیش دریا سهركردهى تاریخى بارزانى نهمر لهناو بووهن و دى ئهو پهلامارهیله وهردهوام بوى لهشارهیل كوردنشین و له كهركووك، تا رهسیگه ئهوهك مهحاڵ بووگ جى وهجى ئهو ریككهفتننامه بكریهیگ لهبان زهوى واقع.
لهشوون ئهوهیش رووژگار سهختیگ پهیا بوى، سهرهتا ههواڵهیلیگ بوى رهسیاگه مهردم و بڕیگ له ههواڵهیلیش لهڕى ئیزگهى كوردستانهوه رهسیاگ ك ههرچهنى پهخشهگهى ئهوهنه پاك نهوى، وهلى خیزانهیل كورد فهیلى وهههر جووریگ بوى ههوڵ ئهوه دان گووش بگرن لهههواڵهیل كوردستانى و فره وهپیان خوهش بوى وهختى دهنگ ئیزگهى كوردى ژنهفتیان و متمانه بوین لهوهك كورد نیهفهوتیهیگ و لهناو نیهچووگ. وهل ئهوهیشا روڵهیلیان خهبات كردیاگ لهوهر خاتر رزگاربوین مللهت كورد. ئنجا خیزانهیل فرهیگ لهو ماوه ڕوڵهیلیان پهیوهندى كردیاگهوه شووڕش رزگاریخواز كورد و ههر لهوهر ئهوهیش ههمیشه تواسیان ههواڵ پێشمهرگهو جموجویل كورد بزانن.
ئیوارانیگ دهنگ رادیۆگه كز بوى رژیم شۆڤێنى قهسف بهش ناوخوهیى(قسم الداخلی) خوهندكارهیل قهڵادزه كردویگ و 9 خوهندكار بوینه قوربانى، ك یهیش له24 ئادار 1974 رویدا، ك لهوهختى قهسف ناوچهگه كریا وهبڕیگ تهیارهو ناپاڵم وهشانن ك لهلایهن ناودهوڵهتیهوه قهیهغه كریاویگ ، ئنجا ئهو تهیارهیله گشت قهسفهگهیان خستوینه بان بهش ناوخوهیى خوهندكارهیل ك لهبنهڕهتهوه شوون كارخانهى تهماكوو بوى و بنمیچ یا سهقفهگهیشى له چینكۆى قایم دروس كریاویگ ، ك كهمیگ لهقورسى ئهو بوموارانه سووكهو كردیاگ. وهههر حاڵ تهرم ئهو شههیدهیله ئهڵگریا لهكهش وههواى دڵتهنگیگ ، وهلى لهیرا وهگشت ریز و حورمهتیگهوه باس لهو ههرزهكار و پاڵهوان كورد فهیلیه كهم ك لهعومر چوارده ساڵان بوى و لهوههار عومرى بوى و مكوڕ بوى لهبان ئهوهك وهل هاوڕیهیلیا بمینیگ و زوور لهباوگى كردیاگ وهل خوهیا بیلیگهى خهبات بكا، دویاخریش وه پاڵهوان ناو دهركرد.
سهلاح فهیلى جایهڵ جوان و پاڵهوان كورد فهیلى روى وهڕوى تهیارهیل جهنگى وسیا ك وه مهدفعیهیگ تهقه لهتهیارهیل جهنگى كردیاگ تا بخهیگهیانه خوارهوه، ئهوه بوى ئهو پاڵهوان كورد فهیلیه دویاخر شههید بوى و خوهى لهیوا تواس خوینفیداى خاك كوردستان بووگ و گوڵهیل قرمز لهو شوونه ك شههید لهتى كریا وهچهو بكهن و چواردهوهرى وه نهرگس بگیریهیگ و گشت ساڵیگ یاد بكریهن، ك ئیسهیش سهڵاح فهیلى مهسڵهت وهپیا ئویشن لهوهر ئهو ئازایى و خهباتكردنه لهوهر خاتر كورد و مللهت كوردستان.
| < پێشتر | دواتر > |
|---|
