شهفهق/ ئدریس جهبار
ئیرانیهیلا ، نيشانةي گویڕانكارییگ بنهڕهتى نیه لهسیاسهت مۆسكۆ وهرانوهر وهتههران ك بهرژهوهندى فرهیگ بهسیگهیانه یهكهوه .
روسیا ههر لهزویهوه جنگ گهورایى ئهرا وڵاتهیل یهكگرتگ لهوهر كردگهو توایگ وهشیوهیگ سهروهخوهیى وهك جهمسهریگ تازهههڵكهفتگ لهجههان هاوشان ئهمریكا خهریگ گهمهى سیاسى بووگ و شایهت گهمهى ئیجاریشه جیاوازى خاسیگ وهل گهمهیل ئهوساى یهكێتى سۆڤێتا داشتووگ . تههران ئویشیگ مۆسكۆ تومهتباره وهئهوهك خوهى داسه پاڵ سیاسهتهیل واشنتۆن و بهشداره لهو پیلانهیله ك ئهمریكا دژ وهئیران دانهیگهیان ، لهلایگ ترهوه كوومار ئسلامى وه وهرگرتن ههوهجهیل سوزهمهنى لهڕوسیاى هاوساى ، ئهو ئابڵوقهو سزایهیله لهبانى كهمهو بووگ ك لهلایهن كوومهڵگاى ناودهوڵهتیهوه لهبانى چهسپیاگه لهوهرانوهر وهردهوامیداین وه بهرنامهیل نهوهویهگهى .
سیاسهتمهدارهیل كرملن وهخاسى وهل وهزع ئیسهى سیاسهت ناودهوڵهتیا مامڵه كهن و سةركردةيل ئیرانیش وهههمان ئیقاع وهل روسیایا سهما كهن ك تائیسهیش وه گویڕانكارییگ چهوهڕى نهكریاگ لهسیاسهت مۆسكۆ تهماشا كریهیگ . بهرژهوهندیهیل باڵا بنهڕهت سیاسهتهو ههر لهبان ئهو بنهمایشه مۆسكۆ و تههران چهوبهس لهجههان كهن و ههر لهو ڕویهوه كوومهڵگاى ناودهوڵهتى وه ئهوه چهواشه كهن ك روسیا دیدى وهرانوهر ئیران ئاڵشت بویهو ئیرانیش ههڵویستهیل تازهى روسیا تومهتبار كردگهو (مێدڤێدیڤ) سهرۆك ئهو وڵاته وهبهشیگ له نهعرهتهیل دعایهى ئهمریكا تاریف كردگه دژ وه كوومار ئسلامى . روسیا چهو لهقهڵغانهیل سارووخى ئۆرپاى خوهرههڵات و دهسوهرداین واشنتۆن لهناوچهیل قهوقاز و ئاسیاى ناوین نیهپووشیگ و كیشهى سیخوڕهیلیش وهل ئهمریكایا بووگه مایهى زنگهوبوین ناكوكیهیل كویهن ناونیان .
مۆسكۆ ك وهسهرچهوهى تهكنهلۆجی بهرنامهیل نهوهوى ئیران دانریهیگ ، چ مهعنایگ دیریگ ك ئیسه له زووان خوهرئاواوه زانیارى لهبان پهرهسهندن ئهو بهرنامهیله وهرگریگ و ئهو رویداگهیله وهمایهى نیگهرانى زانیگ و ههڕهشهى گرتنهوهر ڕى وشوون تازه دژ وهتههران ئهكا ؟! لهوهرانوهر ئهوهیش لهبهشیگ تر سیناریۆى ئهو دراماى سیاسیه ، ئهحمهدى نهژاد له تهسريح تازهيگ گلهيی له روسيا كردگه و وه پهيڕهوی كردن له سياسهتهيل روژئاوا له وهراوهر ئيران تاوانباری كرديه، وهلى لهباوهت ههڵویست ئى دویاخر مۆسكۆ پرسیگ ك لهوهر چه سهرۆك روسیا بهشدارى له شانۆنامهیل ئهمریكا ئهكاو بهرژهوهندى وڵاتهگهى خهیگه مهترسیهوه ؟ یهیش گهمهى دروسیگه لهجههان سیاسهت ، ك ههر یهكیگ لهلیان پهیوهس بوون وهئاواز و نویسانن نۆتهیگ پڕ نهغمهى هارمۆنى وه بهرژهوهندیهیل تایبهت خوهیانهوهو لهههمان وهخت وهل ئهو كهش گهرم و نائاسایى سروشت و سیاسهت سهردهما ، رویهو دهیهى دویهم ههزارهى سێیم ڕى كهن.
