شهفهق/ مهدى شارباژێرى
یا بهرنامهیگ یا ڕهسمیگ یا ههواڵیگ جووراو جوور، ك ئهویش وه چهنهها زووان جههانى. ههر لهوهر ئهوهیش ئیسه گۆگڵ ماڵپهڕیگ جههانیهو ڕووژانه مهردمان فرهیگ سهردانى كهن ئهرا وهرگرتن زانیارى یا مهعلوومات و باووهتهیل جووراو جوور.
وهل ئهو ههمگه خزمهتكردن گۆگڵه، ك ئهویش له وهخت وهكارهاوردن ئهنتهرنێت، وهلى ئایا ڕووژیگ له ڕووژان ئیمه هویر لهوه كردیمنه ك مهعناى گۆگڵ چهسه یا چ مهعنایگ بهخشیگ؟
لهڕاسى وشه یا كهلیمهى(Google) پیكهاتگه له(Googol)ك مستهڵحیگ وهرزشیه وه مهعناى(یهك كهفیگه دویا وه سهد وهرانوهر سفر). بیگومان ئى وشه لهلایهن زانا(میلتون سیروتا) دانریاگه ك بووگه خوهیشكهزاى زاناى هویركارى یا ریازیات ئهمریكى(ئیدوارد كاسنهر)ه.
وهل ئهوهیشا ئى ناوه له كتاو (Mathematics and the Imagination) نویسریاگه له داناین(كاسنهر و جیمس نیو مان)ك مهعناى(هویركارى و خهیاڵ) دهیگ.
ههڵوژاردن ناو(گۆگڵ) لهشوون ئهوهك وهرچهرخان یا گویڕیان یا وازى و دهسكارى وهو وشه كریاگه تا هاتهسه بان ئى وشه، یهیش مهعناى ئهوه دهیگ ك وشهگه كوڵهو كریاگه تا دهرئهنجام كریاسه گۆگڵ.
تویهنیم بویشیم ( Google- گۆگڵ) یهكیگه له ماڵپهڕ یا مهوقعهیل وهناوبانگ جههان ك ڕووژانه ملیۆنهها كهس سهردانى كهن و نهف له خزمهتگوزاریهیلى وهرگرن. ئمجا ئهو وڵاتهیله ك وهپلهى یهكم گۆگڵ تیهرنه كار، پیكهاتنه له(ئهرجهنتین – ئوسترالیا – بهلجیكا – بهرازیل – كهنهدا – دانیمارك – فرهنسا – ئهڵمانیا – هندستان – ئیتالیا – مهكسیك – ئسپانیا – سوید – سویسرا – وڵاتهیل یهكگرتگ ئهمریكا).
| < پێشتر | دواتر > |
|---|
