شهفهق/ كوومهڵگاى ئنسانى وه چهنهها قوناغا پهڕیهسهوه تا ڕهسیهسه ئى قوناغ ئیسه و گشت قوناغیگ وهل
قوناغ وهرجه خوهیا جیاوازتر بویه، وهل ئهوهیشا لهگشت قوناغیگ چهنهها چهمگ كوومهڵایهتى كهفتهسه ژیر كاریگهرى گۆڕِیانهوه، ئمجا خێزانیش جویر ئهو چهمگهیله گۆڕِانكارى هاتهسه بانى.
گشت گۆڕانكارییگ له كوومهڵگا دهرهنجام گۆڕڕانكاریه لهمهیدانهیل تر، وهتایبهت تهكنۆلۆجیا، یا تویهنیم بویشیم لایهن پویلى، وهلى گۆڕانكارى لهلایهن كوومهڵایهتى كهمتره لهچهو لایهن پویلى، یهیش مهعناى ئهوه نیه گۆڕانكارى لهلایهن كوومهڵایهتى نیه، وه چهواشهوه گۆڕانكارى ههس، وهتایبهت دویاى شووڕش پیشهسازى ئهوه بوى ك گۆڕانكاریهیل كوومهڵایهتى لهداب ونهریت و ههڵسووكهفت و چشتهیل تر گورجتر بوى، وهلى مهرج نیه گشت گۆڕانكارییگ خاس بوود و لهههمان وهخت وهگوورهى خواست و ئارهزوو تاكهیل كوومهڵگا بوود، دوینید فرهجار گۆڕانكارى له كوومهڵگا بووده مایهى دروسكردن قهیرى كیشهو كهسهیلیگ له دژى وسیهن و شایهت قهیرى یاخیبوین له تاكهیل كوومهڵگا دروس بكا، لهههمان وهخت جهنگ و دیاردهیل سروشتى كاریگهرى دیرن لهبان گۆڕانكاریهیل كوومهڵایهتى، وهل ئهوهیشا كووچكردنیش جوور گشت ئهو دیاردهیل تره كاریگهرى دیریگ لهبان گۆڕانكاریهیل وهتایبهت كووچ مهردم نیشتهجى ئاوایهیل ئهرا شار.
وهل پیشكهفتن تهكنۆلۆجیا، ههوهجهیل تاك و كوومهڵگایش زیاترهو بوود، بگر ههوهجهیل ڕووژانهى ئادهمیزاد ئاڵشت بوود، یهیش لهیوا ئهكا ك ئادهمیزاد وهردهوام ههوڵ بیهیگ ئهرا وهدهسهاوردن ئهو ههوهجهیله، ئمجا ئهگهر هات و نهتویهنست ئهو ههوهجهیله وهشیوهى خاسیگ باریگه دهس، ئهوه ههوڵ دهیگ وهشیوهیگ ناقانوونییش بوود ههوهجهیلى پڕهو بكا، لهیرا لاداین و تاوان له كوومهڵگا روى له زیایبوین ئهكا و تاوان نائنسانیانه كریهیگه دى. پیشكهفتن له تهكنۆلۆجیا بووده سهبهب گۆڕانكارى له لایهنهیل فرهیگ كوومهڵایهتى، وهلى هویچ داب و نهریتیگ و هویچ قیمهتیگ كوومهڵایهتى لهلى وهزعى نهمهندهسهوه، وهتایبهت لهو كوومهڵگایهیله ك پیشكهفتن تهكنۆلۆجیا لهتیان فره گورجه، لهههمان وهخت له كوومهڵگایهیل دویاكهفتگیش (كوومهڵگاى جههان سێیم) گۆڕانكارى ڕویداگه.
ئهو گۆڕانكاریهیله ك لهكوومهڵگایهیل ڕویداگه وهئاشكرا كهفیگه وهرچهو، كوومهڵگاى ئیمهیش یهكیگ بویه لهو كوومهڵگایهیله ك قهیرى گۆڕِانكارى لهتى ڕویداگه و وهتایبهت له كووتایى سهدهى وهرین و سهرهتاى سهدهى 21، یهیش وهسهبهب ئهو ههمگه گۆڕانكارى و پیشكهفتنهیله ك لهمهیدان تهكنۆلۆجیا ڕویدا. ئمجا ههرچهنى كوومهڵگاى ئیمه تهكنۆلۆجیاى ڕووژئاوایى تیهریمنه كار و فرهیش لهلى له بهرژهوهندى تاك و خێزان كوومهڵگا نیه، وهلى كوومهڵگاى كوردهوارى گام گهورایگ نا لهڕوى گۆڕِانكارى و تویهنیم بڕهسیمنه خوهمانا له وهكارهاوردن تهكنۆلۆجیا وه شیواز غهڵهتیگ.
| < پێشتر | دواتر > |
|---|
