شهفهق/ عهبدوڵڵا تهوفیق
هویرهوكردن دهیگه پیمان، هویرهوكردنهیلیش رهسم تایبهت دهنه پیمان و لهههمان وهخت هسیگ لهلامان دروس بووگ.
لهوهخت هویرهوكردن خاس، دڵهیلمان وهئارامى كووتیگ و كار خاس ئهكا، وهلى لهوهخت هویرهوكردن خراو كووتان دڵمان شیویهیگ و نائارامییگ لهدڵمان دروس بووگ و هسیگ ناخوهش لهلامان دروس بووگ و گشت لهش ودهروینمان گریگهوه. ئمجا لهیرا ئهوه دهركهفیگ ك خاسى یا خراوى كاركردن دڵمان پهیوهندى راسهوخۆ دیریگ وه ئهوهك مهژگمان خهریكیه. مهعناى ئهوهسه تویهنیم ئیمه كار بكهیمنه بان دڵمان وهسهبهب ئهوهك ك مهشق وه هویرهوكردنهیلمان بكهیم تا خاستر بوون لهوهر خاتر گهشهكردن و خوهشكردنى.
هس خوهش، دڵ و دهروینمان پڕ ئهكا لهئارامى و لهشمان ڕهسنیگه خاسترین ڕادهى كاركردن وهبى هویچ گرفتیگ . ئمجا ئهوهك بایهسه بزانیدهى، ئهوهسه ك هووكارهى خوهت بكهید ك مقهیهت بوید لهوهخت پهیابوین ههر ههر هویرهوكردنیگ و دهسڵات داشتوید له ئاڵشتكردنیان لهوختى ك زانید خهریكه هس ناخوهش و خراو دهنهپید.
كیشهیگ نیه ك وهسهبهب ههناسهیگ قویلهوه لهڕى لویتدهوه ههناسهیگ بچووگه بهش خوار سویهیلد یا وه زگد ههناس ههڵمژید، تویهنید ههناسهگهد بیلیدهوه لهسویهیلد تا 10 چركه، دویاخریش ههناسهگهد بووه دهیشت تا پهنج چركه، یهیش وهو مهعنا با سویهیلد خالى بوون لهههوا تا ههناسهیگ تر ههڵمژید، دى وهى شیوه هس ئارامیگ ئهڕاد تیهیگ ئهگهر لهبان ئى جووره ههناسداینه وهردهوام بویدو لهههمان وهخت هووكارهى شلهوبوینیگ بوید ك زویتر هس وهپى نهكردیده. ئمجا وهختى هس وهو شلهوبوینه كردید، بویشه خوهت: من ئى هویرهوكردنه نیهتوام و زهرهد وهپیم ڕهسنیگ ، دى تویهنید دهسوهجى هویرهوكردند ئاڵشت بكهید وه یهكیگ خاستر. ئمجا وهى شیوه تویهنید ههر وهختى گیر وهدهس هویرهوكردنیگ هاتید لهمهژگد ئى جووره ڕهفتاره بكهیده خوویگ ئهڕا خوهت لهوهر خاتر لهناوبردن هویرهیل خراود، دى ئهو وهخته هس وهخاسى دڵ و ئهو ئارامیه كهید ك وهختهیلیگه ئارهزووى كهید.
| < پێشتر | دواتر > |
|---|
