شهفهق/ بڕێگ لهسهرچاوهیل خهوهر و پسپۆڕهیل بوارهگه، ئهوه دووپاتهو كهن، ك كۆمپانیای ئهپڵ خهريك
بهرههمهاوردن ئامێرێگ نوو iPadه.
وهگورهی زانیارییهیل سهرچاوهیل خهوهر له ئهمریكا، ئهپڵ هاتهما له 2011، نهوهیگ نوو ئامێر iPad بهرههم بيهرێ ك بتويهنێ لهبان گشت جووره تووڕيگ پهیوهندی كاربكا لهسهرتاسهر جههان.
وهو مانا لهبان نهوهی دويهم و سێیهم و چوارهم ك بریتین له تهكنیكهیل GSM و CDM.
هاووهخت باس لهوه كهن، ك ئيسه ئهپڵ و AT&T خهريك گفتوگوون لهربارهی ئهو نهوهى نوو ئامێر iPad، تا ئهرا یهكهمین جار ئهپڵ و AT&T وهيهكهو دهس بكهنه فرووشتن و بڵاوهوكردن ئامێرهگه.
ئامێر iPad، تويهنست جوور شۆڕشيگ تهكنۆلۆژی خوهی له مێژوو تومار بكا و شمارهیگ فرهی وهكارهاوهرهیل تهكنۆلۆژیا له دهور خوهی گردهو بكا.
وهگورهی دويا ئامار ك له مانگ سێپتهمبهر بڵاوهو كرياس، لهسهرهتای بڵاوهوكردن ئامێر iPadهو تا ئيسه ئهو وهخته 7 ملیۆن و 460 ههزار لهو ئامێره لهسهرتاسهر جههان فرووشرياگه.
وهگورهی ئهو زانیاریيهیله بڵاو كريانهسهو، iPadه نووهگه شوون port USB هاقهێ، وهمانای ئهوهگ ئهتويهنيد USB بوهسيده قهێ.
یهكيگ له ڕاوێژكارهيل گهوراى كۆمپانیای ئهپڵ، ك نهتواستگه ناوى له میدیاگان بڵاوهو بدێ ئهرا چهن كهناڵيگ ڕهسانن وتگه، iPadه نووهگهی ئهپڵ ك له ساڵ 2011 بڵاوهو ئهكريهێ، ئهدێده تهنكترین و سووكترین ئامێر هاوشيوهی لهسهرتاسهر جههان.
xendan
| < پێشتر | دواتر > |
|---|
