شهفهق/ ناودارهیل ئهدهب له دونیا باخ بهرههمداریگ كاڵینهو ههمیشه بهرههم باخهیلیان جوان و نرخدار و تامداره،
بۆریس پاسترناك، ڕووژنامهنویس و شاعریگ لیریكى وهناوبانگ ڕووسیه، ئى كهسایهتیه خاوهن هویر تیژیگ بویهو دید فهلسهفیانهى جوانیگ داشتگه، وهل ئهوهیشا نویسهریگ خاس و پهسهن بویه.
بۆریس لهناونى ساڵهیل 1914 – 1932 شهش دیوانه شعر فرهجوان خوهى پهخشهو كردگه، ئى دیوانهیله باوهتهیلیگ جویر داستان گرتوینه خوهیان ك ستایش ئازادى و جموجویل شووڕشكارى كهن، ئمجا ئهو فشارهیله ك داوا لهلى كردیان پابهند بووگ وه ئایدۆلۆژیاوه، ئهنجامهگهى لهیوا بوى ك شعر لهلاى بیدهنگ بكهن.
ئى نویسهر وشاعره، قهیرى لهبهرههمهیل شكسپیر و شیللى و گووتى ههڵگهردانهسهوه یا تهرجوومهیان كردگه. لهساڵ 1946 – 1953 لهوهختى عومرى چل ساڵان بویه، رۆمان دكتۆر (زیڤاگۆ) تهواو كردگه.
لهساڵ 1958 دیارى نۆبڵ ئهڕاى دیارى كریا ، وهلى وهبوونهى فشار دهسڵاتهوه نهوردهى و ڕهتیهو كرد. بهرههمیگ تر بۆریس پاسترناك پیكهاتگه لهگهشت ژیان خوهى. ئمجا رۆمان دكتۆر زیڤاگۆ باس لهسهدهى بیس ئهكاو لهههمان وهخت باس جههان و باس خوهشهویسى و باس سهختى شووڕشه ك دهور ژیان وهمهرگ چنیگ .
ههرچهنى ئى رۆمانه پهلامار كرامهت سۆڤێتیهیل نیهیگ ، وهلى جهخت جهخت لهبان چشتهیل تر ئهكا وهك كهرامهت و ئازادى تاك و بهزهیى و سووز و خوهشهویسى و ڕهسینهوه لهیهكترى و وجوود مهسهلهى ڕووحى. دیاره ئى هسیشه زاڵ بویه لهبان ئهو شعرهیلیشه ك كریانهسه گهورایى رۆمانهگه.
دهرئهنجامیش بۆریس پاسترناك نویسهر و شاعر، لهشوون گهشتیگ وعومریگ ههفتا ساڵى لهژیان، لهساڵ 1960 وهیهكجارى ماڵئاوایى لهژیان ئهدهب و شعرو رۆمان كرد، وهلى بهرههمهیلى زنگن و نهمردنه.
سهرچهوه: ناودارهیل ئهدهب
| < پێشتر | دواتر > |
|---|
