شهفهق/ ههر ئادهمیزادیگ و لهى دونیا خاوهن كهسایهتى خوهیهو ئهو كهسایهتییشه لهكهسیگهوه ئهرا كهسیگ
تر جیاوازه، ئهویش وهگوورهى ههڵسووكهفت و ڕهفتار كهسهگه دیاردهیگ لهوهخت مامڵهكردنى وهل كهسهیل وهرانوهرا. بیگومان دویهتیش جویر دروسكریاگهیل تر لهئادهمیزاد ئهویش خاوهن كهسایهتیهو تویهنیم كهسایهتى دویهتهیلیش لهڕهفتار و ههڵسووكهفتیان دیارى بكهیم، وهلى لهیرا وهگوورهى ڕهنگ ئهو گوڵهیله ك مهیل ئهڕاى دیریگ دهسنیشان كهسایهتى دویهتهیل كریاگهو لهوانهیش:
* گوڵ یاسهمین: ئهو دویهته ك گوڵ یاسهمین پهسهن ئهكا، نیگهرانى(قلق) فرهیگ دیریگ لهژیانى و چهوهڕى چشت نادیاره.
* گوڵ وهنهوشه: ئهو دویهته ك ئى گوڵه لهلاى پهشهنه، وهئاشكرا خهمینى لهچهویلى دیارهو هس وسووز خوهى نیهشاریگهوهو مهیل ئهرا رهسمكردن دیریگ و هویچ رازیگ نیهشاریگهوه لهخوهشهویسهگهى.
* گوڵ نهرگس: ئهو دویهتهیله ك مهیلهو ئى جووره گوڵهنه، ههمیشه پشت وهخوهیان بهسن و كریهیگ لهوهخت تهنگانه پشت وهپیان بووهسیهیگ و ههڵویست لهلیان وهربگیریهیگ ، وهلى بهعزهجاریگ زیاى لهڕاده تاریف خوهیان كهن.
* گوڵ قرمز: ئهو دویهتهیله ك حهز كهن ئى جووره گوڵه، ئهوه فره باوهڕ وهخوهیان دیرن و هویروڕاى مهردم لهلایان گرینگ یاموهم نیهو ههمیشه حهز لهوشه یا كهلیمهى نازگ و ئارام كهن.
* گوڵ مێخهك: ئهو دویهته ك ئى گوڵه لهلاى پهسهنه، مهیل (مزاج)گویڕیاگیگ دیریگ و لهبان یهك هویروڕا نیهمینیگ ، وهلى وهل ئهوهیشا ههر بڕیار یاقهراریگ بهیگ فره وهئاسانى جى وهجى ئهكا.
* گوڵ زهنبهق: ئهو دویتهیله ك ئى جووره گوڵه لهلایان پهسهنه، دڵیان پاك و بیگهردو پڕ لهوهخشینه، وهلى لهههمان وهخت متمانه وهكهس نهیرن و ڕازیكردنیان زهحمهته.
گوڵ ئهستهر: ئهو دویته ك ئى جووره گوڵه لهلاى پهسهنه، تاڕادهى فرهیگ حهز وهجوانى خوهى ئهكاو ترسیهیگ لهگهورابوین عومرى و ههركهسیگ خوهشى نهتوایگ و تویڕهى بكا یهكسهر پهلامارى دهیگ وهقسه.
* گوڵ گاردینیا: ئهو دویهته ك ئىجووره گوڵه لهلاى پهسهنه، ئهو غیرهت فرهیگ دیریگ ، لهههمان وهخت ئازایى فرهیگیش دیریگ و هس شهشهمى بتهوهو درووكردن وهلیا مهحاڵه، چوینكه وهئاسانى ئاشكراى ئهكا.
| < پێشتر | دواتر > |
|---|
