شهفهق/ جوانيگ کورد خوهرههڵات کوردستان تويهنست بدێده وهرپرس گشتی ماڵپهڕ ناودار Youtubeو له
رز سهرکهفتگهیل جههان ناوی تومار کريا.
وهگورهی خهوهرهيل ماڵپهڕه خهوهريه ناودارهگان جههان، لهشوون سهنین ماڵپهڕ Youtube لهلایهن کۆمپانیا و ماڵپهڕ (گوگڵ) وه نرخ یهک ملیار و 65 ملیۆن دۆلار له ساڵ 2006، چاد هارلی لهووهختهو تائيسه وهرپرس گشتی ماڵپهڕYoutube بوی، ماوهیگ وهرجله ئيسه پۆستهگهی خوهی وهخشییه "سالار کهمانگهر" ک جوانيگ کورد خوهرههڵات کوردستانه و نيشتهجای ویلایهتهيل یهکگرتگ ئهمریکاس.
سالار کهمانگهر چهن رووژ لهيهووهر جيگر وهرپرس بهش بهرههمهيل تایبهت گوگڵ بوی و لهی رووژهيله وهرپرسيارهتی گشتی Youtube وهپی سپارياس، ناوبرياگ وهرجلهيه وهرپرسایهتی چهنهها بهش تر (گوگڵ) كردگه.
چاد هارلی له وتهیگ ک لهبان ماڵپهڕ youtube یش دانرياگه، ئويشێ: له دو ساڵ گوزهيشته من فرهتر جوور راوێژکاريگ لهی بهشه كار کردمهو بهرههم و چالاکییهیل ئهی ماڵپهڕه رووژ له شوون رووژ لهلایهن سالار کهمانگهر بهرههم هاتگهو من جوور راوێژکاريگ دريژه دهمه كارهگهم و ئوميدوارم قوناغيگ نووو له ژیان و چالاکی ئهی ماڵپهڕه باێدهدی.
جی باسه سالار کهمانگهر له ساڵ 1977زایینی له خوهرههڵات کوردستان هاتگهسه دونيا و دهرچوی بهش بایۆلۆجی زانکۆی ئیستهنفۆرد ئهمریکاس و له عومر 22 ساڵییهو هاوکار (گوگڵ) ـهو لهشوون 7 ساڵ کار وهردهوام وهل ئهو کۆمپانیا، تويهنست بووده یهكيگ له سهرکهفتگترین و ناسرياگترین وهرپرسهیل ئهو کۆمپانیا.
کهمانگهر وهعومر 33 ساڵان جوانترين وهرپرس (گوگڵ) ـهو 13یهمین کهسه ک لهلایهن ئهو کۆمپانیاوه دامهزرياگه.
PUKmedia
| < پێشتر | دواتر > |
|---|
