شهفهق/ وشهى(OK) یهكیگه لهو وشهیله ك لهزوورم زوانهیل جههان فرهترین كهڵك لهلى
وهرگیریهیگ لهڕوى پهخشبوینى لهئاست جههان. ئى وشه لهكووراوه هاتگه؟ ئایا ئى وشه ڕووژیگ لهڕووژان لهزوان كهسیگهوه دهرچیهو دویاخر مهردم وهكار هاوردنهسهى و بویهسه وشهیگ جههانى؟
لهكتاویگ ك لهنویسانن (ئالێن مێت كاڵف)هو لهى دویاخره چاپ كریاگه، جواو ئى پرسیاره دریاسهوه. مێت كاڵف لهكتاوهگهى ك ناوى ناگه(OK حكایهت ئهڵڵاجهوى یهكم وشه) ئویشیگ : ئى وشه خاسترین داناین یا ئبداع ئنگلیزى زوانهیله. ئمجا ئى قسهى مێت كاڵفه جى پرسیارهو ئى وشه چوین تویهنیگ ئبداع بووگ و ئایا ئى وشهى بویچگه تویهنیگ لهمۆسیقاى جاز، بهیس بۆڵ، تهلهفۆن و چشتهیل تریش خاستر بووگ؟ مێت كاڵف لهگهشتهیل خوهى ئهرا وهدیكردن یهكم كهڵك وهرگرتن لهوشهى (OK) گووشهیگ لهڕووژنامهیگ كویهن چاپ بۆستۆن ئهمریكا دوینیگهوه ك له ریككهفت 23 / 3 / 1839 دهرچیه، ئمجا وهگوورهى لهیهكهوداینهیل ئى نویسهره مهسهلهى دروسبوین ئى وشه وهى جووره بویه:
خوهشهویسترین وشهى جههان، ههر وهگهمهیگهوه دهس كرده ژیان خوهى و ڕووژنامهیل ئهمریكا لهكووتایى ساڵهیل 1830 ئهرا 1840 ههر ئهرا خوهشى و وهشیوهیگ گهمهكردن دهس كردوینه كاریگ و كوڵهوكریاگ وشهیل نویسانیان و نویسهریگ لهڕووژنامهى Moming Post Boston جویر گهمهكردن كوڵهوكریاگیگ دروسكرد وهفۆرم OK، ئمجا ئهرا دروسكردن ئى كوڵهوكریاگه فۆرمیگ غهڵهت لهوشهى (all correct)دراورد و دو پیت یا حهرف یهكهمى وه فۆرم OKدراورد.
دى ماوهى فرهیگ لهبان ئى گهمهكردن نهچى، ك دوشمنهیل (ئهندرۆ جاكسۆن) ههفتهمین سهركوومار ئهمریكا ئاشكراى ئهوه كردن ك سهركوومار تواناى خوهندن و نویسانن بى غهڵهت نهیریگ و ئهرا ئسپاتكردن قسهیلیان وتیان ئهگهر سهركوومار كیشهى خوهندن و نویسانن نهیاشتاگ ڕى نهیاگه ڕووژنامهیل ك وشهیل غهڵهت جویر OKلهچاپ بیهن. ههر یهیش بویه سهبهب دهسوهپیكردن ناسین و پهرهسهندن ئى وشه، ئمجا لهشوون ماوهى كهمیگ وهرپرسهیل تهلهگراف بڕیاردان ئهرا وسانن كیشهى ئاسایى یا نهمهندن مهترسى ئهوهسه ك لهوشهگه كهڵك وهربگرن، دى لهشوون ئهوه كهس نهتویهنست قهیهغهى پهرهسهندن وشهگه بكا، ئمجا وهقسهى (مێت كاڵف) یهكهم وشهیگیش ك لهبان مانگ لهزوان ئادهمیزادهوه ژنهفیاویگ ههر ئى وشهى (ئۆ كهى)ه بویه.
سهرچهوه: كوردكلیك
| < پێشتر | دواتر > |
|---|
