شهفهق/ حهیدهر محهمهد وائلى
خوداوهند میهرهبان لهتاریف ئیماندارهیل فهرمایشى وهى جووره شیهو كریهیگ و ئویشیگ (مهكهفن وهلئهوانهك زوڵم كردنه، چوینكه كهفینه وهر ئاگر).
نهفامى دو جووره: نهفامى نهخوهنهوارهیل و نهفامى خوهنهوارهیل!! ئمجا نهفامى تیهڵ و خراو نهفامى خوهنهوارهیله لهوهختیگ ك خوهنهواریگ خوهنستگهو خاوهن باوهڕنامهسهو لهههمان وهخت نهفامه. لهبان قسهى خاوهن لوژیك(ئههل مهنتق)هیل ك نهفامى كهنه دو بهشهوه جویر(نهفامى) و (نهفامى تیكهڵ).
ئمجا وهگوورهى هویروڕا، نهفامى ئهوهسه لهوهزعهیل ڕاسى نیهڕهسیگهوهو نیهزانیگ وهشیوهى خاس و گهنجیاگیگ جى وهجى بكا لهژیان ڕووژانهو ماریفهت خاس و نهفداریگ باریگه دهس تا نهف لهلى وهربگریگ و یانهف بیاشتووگ ئهرا كهسیگ تر. ئمجا ئایا كهسیگ هویر لهوه كردگه ك نهفامى چوین پهخشهو بوى لهوهختیگ زوورم دهوڵهتهیل جههانیش گرینگى یا ئههمیهت دهنه زانست و خوهندن؟
مهحاڵه دهوڵهتهیگ بووگ لهجههان لهجیاى زانست دهرس نهفامى بیهیگ !! غهڵهت ها لهورا گرینگى دریهیگه زانست وهبى ئهوهك گرینگى بدریهیگه ئهخلاق. لهڕاسى زانست بى ئهخلاق یا زانستیگ دویر بووگ لهپهیمانهى ئهخلاقى ئهرا خاتر ئهوهك بتهویهو بكا، هویچ خهیریگ وهپیهو نیهو جویر كاڵاى بازرگان گهناتهكاریگه لهبازاڕ وهخت وهسهربردن. ئمجا ئایا كهسیگ هویر لهوه كردگه ك فكرهیل ساق و خاس چوین پهخشهو كریهیگ ؟!!
بیگومان فكرهى خاسیش وهو شیوه پهخشهو كریهیگ ك نهفامى و گهناتهكارى وهپى پهخشهو كریهیگ ، هویروڕا یا فكره تهنیا وهقسهكردنى پهخش بووگ و لهكهسیگهوه جیواز بووگ ئهرا كهسیگ تر، ئمجا ئایا ئهڕاچه ڕیڕهو ڕووشنهویرى دانهمهزرنیم جویر ئهوهك نهخوهشى نهفامى پهخش بوى؟ بیگومان ئهگهر بایگ و قسهى فرهیگ بكریهیگ لهبان چشتهیل ساق و جوان، ئهوه خاوهن شهڕهیل وهپى ناڕهحهت بوون و ئهگهریش لهقسهیلمان زیاترهو بكهیم تویش رووشنهویرى تازهیگ تیهن یا سهر خوهیان ئهڵگرن و ههیوان ئهرا شوونیگ تر دویر لهو شوونه ك باس خهیر لهتى كریهیگ ، ئمجا فرهجاریش دوینید ڕهفتار خهیر خاسترین هووكاره ئهرا فامستن كهسهیل تر، چوینكه ڕهفتار جوان وپاك و پهسهن و ئهخلاقى كاریگهرى فرهیگ لهكهسهیل تر دیریگ وهبى ئهوهك قسه لهلى بكریهیگ ، یهیش تهنیا فكرهیگهو نیهتوایم كاریگهرى داشتووگ له زوورمینه، وهلى كاریگهرى دیریگ لهبان كوومهڵگایهیل بویچگ جویر خیزان و دهسهى برادهرهیل و شوون كاركردن، ك بیگومان خاسهو بوینیش له خود ئادهمیزادهگه خوهیهوه دهس وهپى ئهكا.
| < پێشتر | دواتر > |
|---|
