شهفهق/ سادق ئهزرهقى
نایهكسانى لهژیان ئابوورى و سهرههڵداین (كیشمهكیش چینایهتى)جویر هیزیگ جموجویلدهر ئهرا ڕویداگهیل، بهڵگهیش ئهرا ئهوه(شووڕش ئایار)بوى لهپاریس لهساڵ 1968 ك وهشكهست حكوومهت (جهنراڵ دیغۆل)كووتایى هات و ناچار بوى بههیوایگ لهفرهنسا ئهرا چهن وهختیگ.
چهودیرهیل رووشنایى خستنه بان ئهوهك دویاخر گویڕانكارى گهورایگ رویدا لهكوومهڵگاى فرهنسى و لهئۆرپاو تهنانهت لهوڵاتهیل یهكگرتگ ئهمریكایش. لهباوهت فرهنسایشهوه چهودیرهیل وتیان: ك شووڕش ئایار 1968 ژیان كوومهڵگاى فرهنسى لهگشت لایهنهیل ئابوورى و دهروینى و ڕووشنهویرى و ڕهگهزى و سیاسى و فهلسهفى ئاڵشت كردگه.
گرفت وڵاتهیل ئۆرپى لهشوون جهنگ جههانى دویهم لهشوونهوار جهنگهیل و شیویان دادپهروهرى كوومهڵایهتى وهتایبهت لهوڵاتهیل ئۆرپاى خوهرئاوایش، بویه مایهى جیاوازیكردن چینایهتى ئاشكرایگ و لهوهرانوهر چین دارندهو دهوڵهمهن چینهیل پاماڵكریاگ سهرههڵداو ژیان و گوزرانیان وهناڕهحهت بوى و دویاى سهعاتهیل فرهیگ لهكاركردن وهزوور تویهنستیان تیكهى نان ئهرا خیزانیان دهربكهن و بژیهن وهپى. ههر لهوهر ئهوهیش بیكارى لهوڵات پهیا بوى و دویاخریش وهسهبهب پهیابوین جموجویل چهكدارى وتون وتیژى و گومبوین عهداڵهت مهسهلهگه سهختهو بوى، ئمجا لهو حاڵهته چشتهیل فرهیگ ڕویدا جویر كوشتن و لهناوبردن فرهیگ لهخاوهن كارخانهیل و سهرمایهدارهیل، دى وهزع كوومهڵگا خاسهو نهوى تا ساڵهیل ههیشتا، ك حكوومهت ئهو دهوڵهتهیله لهوهختیگ زانستن هووكار ئهو نیگهرانیه چهیگه دهسكردنه داناین سیاسهت تازهیگ ئهرا چارهسهر، ئمجا مهبهس سهرهكى حكوومهتهیل ئهوه بوى سهرهتا هاووڵاتیهیل بڕهسننه وهزع سهقامگیرى ئابوورى و دهروینى ئهرا ڕوى وهڕوى بوینهوهى مهترسى و جموجویل چهكدارى ، ئمجا وهختیگیش ئهو كاره ئهنجامدان دویاخر كهفتنه مینهى كۆنترۆڵكردن بیكارى و كهمه كهمه ئاست بیكارى داوهزانن وهگوورهى ئهو سیاسهته ك هاوردنهى كار ، ئمجا ئهرا ههر كهسیگ بیكار بڕه پویلیگ جویر مانگانه دیارى كردن تا بتویهنیگ وهپى بژیهیگ تاوهختى كار ئهڕایان دیهوه. ههر لهوهر ئهوهیش مهسهلهى چهكدارى و تون تیژى نهمهند.
ئیسهیش لهعراق جویر ئهوهك ئاشكراس دامهزرانن مهردم لهبان كار وهتایبهت جایهڵهیل و خاوهن باوهڕنامه یا شههاده بویهسه خاترانهو ههر وهرپرسیگ كهس وكار نزیك خوهى نویسیگ و مهردم بیدهسڵاتیش كهس ههوڵیگ ئهڕایان نیهیگ و گشت كارخانهو كومپانیایهیل بهرههمداریش لهكار كهفتنهو نسبهى بیكارى جویر ئهوهك عهلى بابان وهرجه چهن ڕووژیگ ئشارهت وهپى كرد له 25% پهڕیهسهوهو شایهت وهرهو زیاتریش بچووگ لهژیر سایهى نهوین چارهسهر.
| < پێشتر | دواتر > |
|---|
