شهفهق/ ههر سهعات كوتید... یهك ... دو ... سێ...، شهو و ڕووژ...، زمسان و تاوسان... دایم هایده ڕیكردن، خاو
نهیرید و شهوهخون دهید، ڕى كهید نیهزانید چ خهوهره له دهور و گهردد، چه بووگ؟ چه نیهوگ؟ بهس ت هایده كوتان خوهد، یهیش كار تنه، ئعلان دهید: (یه چ وهخته)، یهیش فره موهمه ئهرا بهنى بهشهر، و وهختى، له مهنهلى له مهغازهگهى ڕهحمهتى كهمال حهمید حهساوى سهنمهد، وهتم بویده شهریك خوهشییم، وهختى كوتید خهوهردارم بكهید ئهرا چشتهیل خاس: ئهرا مهدرهسه چگن، ئهرا زیارهت چگن، ئهرا سویر كردن، ئهرا پاشیم له مانگ ڕهمهزان، ئهرا ڕووژهیل عهید... یهى جا كوتاید دهنگد غهڕ بوى له گووشم، وهتم خودا خهیرى بكهى، سهعات یهك نیمهڕوو بوى، له ساڵ 1975ز... دیم باوگم ئهمر خوداكرد، پڕ ماڵمان پیاگهیل مهحهله بوى له قهلهبالى، و یهكمیان مهلا مههدى و حاجى خورشیده بوین، خودا ڕهحمهت گشتیان بكهى، كاروبار جنازهگه خسنه ڕى، تا نهجهف، وهتم ئهى زهمان، بى باوگ هیشتیدهم، بهس بوو نایمه قهد دامان داڵگمان، و شوكر خودا كردیم، وهو ڕووژه تا ئیسه ماجهرایل فرهى بوى، و هاته سهرمان، ئهى سهعات، ت ههم پڕ ههزارپیشهگهد قسیهس، بهس زووان نهیرید، یا ت فره ئهمینید وهبان كارد، سڕ خوهد ئهرا كهس فاش نیهكهید، ئیسه ههم كوتاید و دهنگد غهڕه، جوور ئهو ساڵهى باوگم ئهمر خودا كرد، چ خهوهره بویش ئهرام؟ سهعات كوتا ههیشت شهو 11 / 4 ساڵ 2009ز، سهعات دهنگ بكه، دهنگت نیه... سهعات ها كوتان خوهى .. دهنگ وه شوون تر دهرچگ، سهدا هاته گووشم: داڵگد مرد، ئهمر خودا كرد، سهر خوهد سهڵامهت، خوسه نهخوه، مق بردمهو دڵ، و ڕوحم كرجهو بوى، سهداى بى نزى وه دهروین دهرچگ: ڕاس ئیمه گهورایمن، بهس داڵگ چشت تره، داڵگ دهریاى بى مهرزیگه له مهرهبانى، داڵگ یهگ فهرههنگ دووسیه، دایم تازه نهفهسه، نیهزام چه بویشم، ئهى سهعات ڕوى دیوار ، فره چشت زانید، و فره چشت دیده! یهى جا بهو سینه واز بكه ئهرامان، چه دید؟ چه نهدید؟ بكوت ئهى سهعات دیوارى، ت ههم چهوچهیگید له جههان، ت ههم چهوچهى زهمانید!!... باس فرهیگ وهلد دیرم، وهلى یه مهوقهى نیه!!!
ن: ئهحمهد حهمهد مهندهلاوى
| < پێشتر | دواتر > |
|---|
