شهفهق/ لهشوون ئهوهگ مایكرۆسۆفت ئاههنگ یاد یهك ساڵهی بهرههمهاوردن ویندۆز حهفت كردهو،
وهڕێهووهر مایكرۆسۆفت وت، كۆمپانیاگهیان لهشوون ئهوهگ ئهرا ماوهیگ لهبهرههمهاوردن ویندۆز نوو وسياگه، وهلی بڕیاره لهساڵ (2012) وێندۆزيگ نوو وهكومهڵيگ تایبهتمهندییهو بهرههم بيهرێ.
(ستیڤ بالمێر) وهڕێهووهر جيوهجيكار لهكۆمپانیای مایكرۆسۆفت ئهوه خستهڕوی، لهشوون ئهوهگ لهساڵ (2009) ویندۆز حهفت بهرههمهاورد، تويهنست لهماوهی ساڵيگ (240.000.000) دوسهدو چل ملیۆن كۆپی ئهو ویندۆزه بفرۆشێ، كۆمپانیاگه بڕیارداگه ههر سێ ساڵ جاريگ بهرههميگ نوو ویندۆز بڵاوهو بكادهو، كۆمپانیاگه ئهرا ئهوهگ لهبان كێشهو گرفتهيلی زاڵ بوود، وهيخاتره لهساڵ (2012) یهكهم بهرههم كۆپی ویندۆز ههيشت لهبازاڕهیل جههان بڵاوهو بكا.
-NNAئا: ئالان سامی
| < پێشتر | دواتر > |
|---|
