شهفهق/ وهزارهت تهندروسی حكومهت ههرێم كوردستان تهقالا ئهرا زیاتر پێشخستن سێكتهر تهندروسى ئهكا،
وهوخاتريشه ئيسه وشكانن (DNA) لهههرێم ئهنجام ئهدريهێ، وهلی بايهته گهشهی زیاتر وهپی بدريهێ.
دكتۆر (خاڵس قادر ئهحمهد) وهڕێهوبهر ڕهسانن وهزارهت تهندروسی حكومهت ههرێم كوردستان ئاشكرا كرد، ئيسه لهكوردستان وشكانن (DNA) ئهكريهێد، ههرچهنهيش ئامێریگ ئهرا ئهو كاره فهراههم كرياگه وهلی نياز وهكهرهستهو ئامێر زیاتر ههس ئهرا ئهوهگ وشكانن (DNA) پێشكهفتن زیاتر وهخوهیهو بوینێ، ئهو كهسهيليشه ك لهبانى كار ئهكهن نياز وهمهشق زیاتر ديرن.
دكتۆر خاڵس قادر ئاشكرايهو كرد، ههرچهنه لهڕوی خهرجهو، نياز وه بودجهی فرهيگ ههس له ئهو بواره، وهلی خهريكن تهقالا ئهكهن ئامێرهيلتر بيهرن.
وهڕێهووهر ڕهسانن وهزارهت تهندروسی حكومهت ههرێم كوردستان ئاشكرا كرد، ئيسه ئامێریگ ئهرا وشكانن (DNA) فهراههم كردنهو وشكانن وهپى ئهنجام ئهدريهێد.
| < پێشتر | دواتر > |
|---|
