شهفهق/ ئادهمیزاد فرهجار لهژیانى تویش جوورهها كارهسات و ڕویداگ بووگهوهو شایهت ئهو كارهیلیشه وهلاى خود ئهو
ئادهمیزاده ئاسایى بووگ و گووش وهپى نهیهیگ ، وهلى لهههمان وهخت لهلایهن كهسهیل وهرانوهرهوه چشت ئهڵڵاجهوییگه وهتایبهت ئهو كهسهیله ك ناودارن یا مهردم ناسیگهیان ، ئمجا ئهو جووره كهسهیلیشه دوینید كارهیلیگ ئهنجام دهن و نیهزانیم مهبهسیان چهس لهو ڕهفتارهیله ك لهلاى مهردمان تر مایهى سهرسوڕمهندنه ، وهلى شایهت لهوهر ئهوه رهفتار ئهڵڵاجهوى كردنه تا لهتاریخ باس بكریهن و ههر وهو سهبهبیشه ناویان گوم نهوگ لهبان زوان مهردم یا لهوهر ئهوهك دهسڵاتدار بوینهو ههرچى بكردان كهس نهویرستیاگ پرس و پرسكارى وهلیانا ئهنجام بهیگ و ڕهخنه لهلیان بگریگ . ئمجا لهو ژنهیلیشه ك رهفتار ئهڵڵاجهوى كردنه وهك:
* فاندین شاژن : ههر لهوهر ئهوهك قژ سهرى چهرمگ بوى و نهتواس كهس وهپى بزانیگ ئهرا ماوهى (3) ساڵ سهرتاشهگهى خوهى خسته زندان.
* ئان بهرلین هاوسهر (شاهیز ههیشتم) ههرچوار وهرزهگهى ساڵ دهسكیش كردیاگه دهس ، ئهویش لهوهر خاتر پهنجهیلى دهسى دیار نهوگ ، چوینكه دهسى پهنجهى زیایه داشت.
* ژنهگهى ناپلیۆن ك ناوى (ئۆجینى) بوى ، كهوشهیلى وهههر نرخ یا قیمهتیگ بویاتاگ تهنیا ههر یهكجار كردیاگهى پا.
* مارى ئۆجیست شازادهى ئهڵمانى تهبیعهتى لهیوا بوى ك ههمیشه له حهوز خودشوردن پیشوازى لهمیوانهیل كردیاگ.
* مۆتتیهتیان ك یهكیگ بوى لهخزمهتكارهیل كوشك یا ماڵ ئمپراتۆر چین ، دویاى ئهوهك خوهیشگ و براو دایگ خوهى و ئمپراتۆریش كوشت بویه ئمپراتۆر.
* كرستینا ئیر هاردن ئهرا ماوهى (30) ساڵ (1697 – 1727) شاژن پۆڵهندا بوى وهبى ئهوهك ئهرا تهنیا جاریگیش بچووگه هوڵهنداو پاى بكهفیگه بان خاك هۆڵهندا.
* شاژن پورتوگال ئینزى كاستۆر ، یهكهمین ژنیگ بوى وه مردگى حوكم وڵاتیگ كرد ك لهشوون ئهوهك هاوسهرهگهى تهرمهگهى دهركرد و نارهى بان تهخت دهسڵات و ئاگادر مللهتهگه كرد و وتهپیان ئهیه شاژن ئیوهس.
* دیزى كلارى (3) دهزویران داشت و ههرسێگیانیش بوینه پاشا ، وهلى دویاخر شوى كرده (جۆزێف برنادۆت) ك بویه پاشاى سوید.
| < پێشتر | دواتر > |
|---|
