شهفهق/ پیرهژنيگ 101ساڵان مهکزیکی ک زیاتر له سهد ساڵ لهيهووهر ک کهمتر له یهک ساڵ عومرى بويه،
وهل بنهماڵهگهی هاتگهسه ئهمهریکا و لهشوون یهک سهده، جوور هاووڵاتییگ ئهمهریکا قهسهم خوارد.
وه گورهی خهوهريگ بیبیسی، خانم "ئیڤلالیا گارسیا"ی مهکزیکی له 12ی تشرین یهکهم 1909 و وهختيگ تهنیا شهش مانگی بويه وهل داڵگی له شار "ریۆ گراند" مهکزیک دهرکهفتن و چوينه ئهمهریکا.
خانم گارسیا وتگه، یهکهم کاريگ ک ئهخوازێ جوور هاووڵاتییگ ئهمهریکایی ئهنجامی بياد، بهشداری له ههڵوژاردنهیل ناونی خول کۆنگرێس ئهمهریکاس ک بڕیاره له مانگ تشرین دويهم ئمساڵ وهڕێهوبچێ.
ڕێوڕهسم وههاووڵاتی بوين خانم گارسیا و قهسهم خواردنی جوور هاووڵاتییگ ئهمهریکا، ههفتهی گوزهيشته له دادگای شار "براونزویل" ویلایهت "تهگزاس" وهڕێهوچوى ک سهد ساڵ لهتی ژیاگه.
وهڕێهووهرایهتی کووچ و وههاووڵاتی بوين ئهمهریکا دهريخستگه، ئهى پیرهژنه سهد و یهک ساڵهس، پانزهیهمین کهسه ک له تهمهن زیاتر له سهد ساڵی ئهدێده هاووڵاتی ئهمهریکا.
له ساڵی 1909، وهختيگ ک داڵگ ئیڤلالیا گارسیا چويه ئهمهریکا، یاسای کووچبهری ئهمهریکا جوور ئمڕوو نهويه. "ئیلاریا مێندۆزا" داڵگ خانم گارسیا، ئهرا وهڕێهوبردن ژيانی جنگ شووردياد و تهقالا كرد لهى رێیه ژیانيگ ئارام ئهرا دويهتهگهی له شار براونزویل دروس بکا.
له ساڵ1940، وهختايگ ک کۆنگرێس ئهمهریکا یاسایگ پهسهند کرد ک وه گورهی ئهى یاسا گشت پهنابهرهيل بايهته ناو خوهیان له وهڕێهووهرایهتیهيل حکومی تومار بکرديان، خانم گارسیا وهل ملیۆنها کووچبهر مهکزیکى ناو خوهی تومار کرد و مۆڵهت نیشتهجیبوين ڕهسمی وهپی دريا.
وهڕێهووهرایهتی کووچ و وههاووڵاتی بوين ئهمهریکا سهبارهت وه داواکاری هاووڵاتی بوين خانم گارسیا ئعلان كرد: ئهيه جى شانازییه ک کهسيگ له تهمهن 101ساڵی، داوای ئهوه بکا ک بدێده هاووڵاتیيگ ئهمهریکا."
PNA
| < پێشتر | دواتر > |
|---|
