شهفهق/ ڕووژنامهی (دهیلی مهیل) بهریتانی بڵاوی كردهو، لهشار (میرۆت) هیندستان مناڵيگ ك عومری
دوساڵ و نیمه، دريژی باڵای (1.37) یهك مهترو سیو حهفت سانتیمهترهو وهدريژترین مناڵ شیرخوهره دائهنريهێ لهجههان.
ڕووژنامهگه ئاشكرای كرد، (كاران) كوڕ (شیواتلانا سینگ)ه، ك وهدريژترین ژن دائهنريهێد لهئاسیاو دريژی باڵای (2.19) دومهترو نووزده سانتیمهتره.
(شیواتلانا) وت:"شانازی وهكوڕهگهمهو كهم و ئوميدهوارم باڵای لهمن بهرزتربوود، وهختيگیش لهداڵگبويه باڵای بهرز بويه، ئيسهيش باڵای نیمهی باڵای منهو پيشبینی ئهكهم وهی نزيكهيله باڵای لهباڵای من بهرزترهو بوود، لهوهخت سهنين جنگيش كيشه ئهرام دروس بوود، چوينكه هیچ جنگيگ مناڵانه وهئهندازهی باڵای كوڕهگهم نیه".
باوگ (كاران) وت:"ناچاربیمن لهوهخت لهداڵگبوينی ئهو جنگهيله ك ئهرای سهندويمن، فڕهيان بيهیمن و جنگ مناڵ یهك ساڵان ئهرای بسينيمن".
(كاران) فرهی نهمهنگه بڕهسێده باڵای باوگی ك دو مهتره، ئهو خێزان باڵابهرزه لهشار (میرۆت) هندستان ژیهن و مانگانه بڕ (124) سهدو بیسو چوار پاوهن خهرج كهن، ك سێ ئهوقهرهی ماڵ هاوساگانيانه.
| < پێشتر | دواتر > |
|---|
