شهفهق/ فیلم دیكۆمێنتی كوردی "ژنهيل شهفا" له دهرهاوردن سینهماكار كورد كهیوان مهجیدی، له بهش
پێشبڕكی 29مین خول فیستیڤاڵ ناونهتهوهیی فیلم "ڤهنكۆڤێر" له وڵات كهنهدا نمایش ئهكريهێد.
فیستیڤاڵ ناونهتهوهیی فیلم "ڤهنكۆڤێر" له چهنهها بهش فیلم دريژ سینهمایی، فیلمی دیكۆمێنتی و فیلم كۆڵ و وه نمایش كومهڵيگ فیلم له سینهماكارهیل 80 وڵات دنيا له ڕووژهیل 30 سێپتهمبهر تا 15ی ئۆكتۆبر 2010 له شار ڤهنكۆڤێر له كهنهدا وهڕێهوئهچێ.
فیلم دیكۆمێنتی "ژنهيل شهفا" سهبارهت وه ڕهسم و یاسا و دابونهریت كوردهیل ناوچهی ههورامانه ك لهی فیلمه ههوڵ و تهقالای ژنهيل ئاواييگ ههورامان ئهرا تهماشاكهر فيلمهگه نيشان ئهيا ك ئهرا نهجاتداين و چارهسهركردن يهكيگ ك تويش نهخوهشییگ بی چاره بويه، وهوپهڕ فداكاری وه رێيگ سهختا چن، ئهرا ئهوهگ ئاو ئهرا ئهو نهخوهشه بارن تا وه خواردن ئهو ئاوه نهخوهشهگه شهفا پهیا بكا و خاسهو بوود و دريژه وه ژیان ئاسایی خوهی بيا.
فیلم كوردی "ژنهيل شهفا" تا ئيسه له فیستیڤاڵهيل جووراوجوور له ئاست ئيران و دنیا نمایش كرياگه و تويهنستگه چهنهها خهڵاتیش وهدهس بيهرێ.
ستاف ئامادهكردن فیلم دیكۆمێنتی "ژنهيل شهفا": نويسهر سیناریۆ: كهیوان مهجیدی، دهراوهر: كهیوان مهجیدی، وينهگر: بهختیار لهحیمی، دهنگههڵگر: رهزا وهحیدیان
وهرپرس بهرههم: بورهان ئهحمهدی، وينهگر فۆتۆگراف: ئهمیر عهلی وهیسی، بهرههمهاوهر: كهیوان مهجیدی.
| < پێشتر | دواتر > |
|---|
