شهفهق/ "ئاینده ئيسهس"، ئهيه سهرهتای وتاره مهيلكيش و كاریگهرهگهی ئهریك ئشمیت بى، ك له پيشانگای
IFA ئمساڵ له شار بهرلین له ئهڵمانیا پێشكهش وه ئامادهبويهيل كرد.
پيشانگای IFA گهوراترین پيشانگای ناودهوڵهتییه ك له بوار تهكنهلۆژیا ئهنجام ئهدريهێد. ئهى پيشانگا جوور رويداگيگ ساڵانه تهماشای ئهكريهێد و گشت ساڵيگ له ڕووژهیل سهرهتای مانگ ئهیلول وهڕێهوئهچێ.
وهڕێهووهر گۆگڵ له دريژهی وتارهگهی وت:"ئيمه وه ئاینده ڕهسيمنه، ئيسه ئایندهس".
ئشمیت ئاشكرا كرد، ئيسه سهردهم جووريگ له ئنساندووسييه و ئهو ئنساندووسييشه خهريكه وهرهو نوا چوود، پرۆسهگهيش لهلایهن تهكنهلۆژیاوه وه توندی پشتیوانی ئهكريهێد.
هاووهختت باس تهكنهلۆژیای نوو كرد، ك ئيسه هاوكارییگ وهرچهو چالاككردن پرۆسهيل ئنسانی له دنيا ئهكهن.
وهڕێهوبهر گۆگڵ دوپاتیكردهو، ك ئيسه ئنسان له ئاینده ژیهێ، وت:"ئيسه گۆگڵ ئهزانێ تۆ چه ئهخوازی".
ئهریك ئشمیت ك وه نهیار سهرسهخت كۆت و بهندهیل بان ئینتهرنێت ناسرياگه، تهئكید كرد لهوهگ، ئهمڕوو گۆگڵ ئهزانێ تۆ له ژیان ڕووژانهی خوهد بایهخ وه چه ئهیهيد، یا ئهخوازی چه بكهید و ڕهفيقهيلد كين، یا ئهزانێ ئيسه تۆ هايده چ شوينيگ.
وهو جووره وهڕێهووهر جيوههجيكار گۆگڵ نيشتهجايهيل له جههان لهوه ئاگادارهو كرد ك ئهوان له سهردهميگ ژیهن ڕووژانه تهكنهلۆژیا هاوكاری چالاكییهیليان ئهكا و زهمینهی ليهكترنزیككردنهوه ئهرايان دروس ئهكا.
| < پێشتر | دواتر > |
|---|
