شهفهق/ كۆڵه باسیگ لهبارهى ژیان موسیقى خانمه هونهرمهند (تارا جاف)
تارا جاف له شار بهغدا له باوگ و داڵگيگ كورد خهڵك شار ههڵبجهى شههید له داڵگ بویه. له بهغدا و له كولیج مۆسیقا دراسهیل موسیقى كلاسیكو پیانۆ تهواو كرد. و لهشوون فشارهیل حزب بهعس لهبان خێزانى ناچارهو بوى لهساڵ 1979 وهرهو بریتانیا كووچ بكهى و له شار لهندهن بژیهیگ و لهورا بوى له گروپ چیلن(chilean) ئهندامهو بوى. تارا جاف ئهندام ناوهند شیعر و ئهدهب مزوپوتامیا وهناو زیپنج(zipang) و ههمیش ئهندام تیم ئاماه كردن فستیڤال فیلم كوردى لهندنه. تارا لهشوون تاقى كردن سازهیل جووروهجوور ، ساز هارپ ههڵوژان ك تاریخیگ 5000ساڵه دیریگ. تارا یهكم كهسیگه ك ئهى سازه له موسیقاى كوردى وهكار بردگه و تویهنستگه وه شیوهى نوویگ ئهى سازه وهل موسیقى ههورامى بگۆنجنیگ و ههمیش له قیریگ له فسپیڤالهیل موسیقى بریتانیا وه شیوهى تهك سازژهن بهشدارى كردگه و وهشیوهى گروپیش وهل قیریگ له سازژهنهیل و گورانیچرهیل بهشدارى داشتگه . تارا له یهك هاوسهرگیرى ناتهواو یهك مناڵ دیریگ ولهشوونى دى هاوسهرگیرى نهكردگه . تارا له ئالبۆمیگ وهناو دڵ دیوانه ئاههنگهیل ( هوره ) وهكار بردگه و هوره یهكیگ له گورانیهیل كوینه و دهسنهخواردگ كوردستانه. تارا لهبارهى تیكهڵهو كردن هارپ وهل گورانى ههورامى ئویشیگ: هارپ یهكیگ له سازهیل تاریخى ههورامانه ك وهداخهوا لهناوچگهو لههویرهو بریاگه وهیخاتره دهنگ هارپ ك دهنگ كوینه و رهسهنیگ دیریگ وهل گورانى ههورامى ك ریشه له تاریخ دیریگ تیكهڵ كردگه و ئهى باوهره دیریگ هارپ رهسهنترین سازیگه ك بوود وهل گوراى ههورامى تیكهڵیهو بكهى. و ئۆمیدهواره وهى كاریه بتویهنیگ دهنگیگ زینگهو كردوید ك ههزاران ساڵ وهرجلهیه وجود داشتگه. تارا 30 ساڵه ك ئهرا بریتانیا كووچ كردگه و ههر له سهرهتاى كووچ كردنى لهبان هارپ كار كردگه.
| < پێشتر | دواتر > |
|---|
