شهفهق/ (ناسر ڕهزازی) هونهرمهند ناسرياگ كورد كار كليپكردن گوران (ئێواره) دهسوهپيكرد، ك لهدهروينهو
باس لهداوڕيان ناونی خوهی و یهكيگ لههاوڕێيهيل سهردهم پێشمهرگایهتی و دوياتر ديينی ، ئهكا.
(شادمان عهزیز) یهكيگ لهو ئهكتهرهیله ك لهگورانییهگه دهور ديرێ، ئاشكرای كرد ك گورانی (ئێواره) هۆنراوهی ڕهزازی خوهیهو ئاواز فۆلكلۆرهو سیناریۆ و دهرهاوردن (دهروون گێژهن)هو (ئهمجهد محهمهد) وينهی ئهگرێد.
شادمان وت:"گورانییهگه باس داوڕيان ڕهزازی لهیهكيگ لهو ڕهفيقهيليه ئهكا ك لهسهردهم مناڵی و پێشمهرگایهتی ڕهفيقی بويهو چهن ساڵيگ ك له خارج ئهيهێدهو، ڕهزازی ناسێدو باوش كهنه یهكتری".
گورانی (ئێواره) لهههرێم كوردستان و ئهوروپا وينه ئهگیريهێ، دويهكه (17ی ئهیلول 2010) وينهگردن ئهو بهشه له گورانییهگه دهسوهپی كرد، ك لهههرێم كوردستان وينهی ئهگیريهێ، بهشيگ وينهگرتنهگه لهگوند ئهڵمانی بوی، بهشهگهی تريشی لهقهڵاچوالان وينه ئهگیريهێ.
ڕهزازی لهساڵ 1334ی ههتاوی وهرانوهر وهساڵ 1955ی زاینی لهشار (سنه)ی كوردستان ئيران لهداڵگبويهو، ههر لهمناڵییهوه دهنگی خوهش بويهو گورانی وتگه، لهساڵ 1968 لهعومر (14) چوارده ساڵی ئهرا یهكهمجار چويه بان شانۆ و گورانی (دهسماڵێ دهسماڵێ) وهشيوهی ڕاسهوخۆ لهئێستگهی شار سنه وت.
| < پێشتر | دواتر > |
|---|
