شهفهق/ عومر هاوسهرگیری لهعهرهبستان سعوودی وهبهراورد فره لهوڵاتهيلتر ئسلامی هاخوار،دويهتيگ
8ساڵان عهرهبستانی ك وهزوور درياويده پیاويگ 50 ساڵان ، داوا لهدادگا كردگه وههانایهو بچێ و لهو گرفته رزگاری بكا.
وهگورهی راپۆرتيگ "رادیۆی بی بی سی"، دويهته 8ساڵانه سعوودیهگه وت:"من خهوهر لههويچ نهياشتمه ك باوگم سهروهخوهی من داسه پیاويگ ناسیار خوهی ك عومری بان 50 ساڵه." دايگ ئهو وهوی 9 ساڵانه ك ههر لهسهرهتاوه ناڕازی بويه، داوای شيويان هاوسهرگیرییهگهی لهدادگا كردگه.
مارهكردن دويهتهيل كهم تهمهن ئهرا پیاوهيل گهورا لهوڵاتهيل "یهمهن و عهرهبستان و بڕيگ لهوڵاتهيلتر باوه، سهرهڕای ئهوهيش پرس نهكردن وهدويهتهيل و بوين ههق تهڵاق لهدهس پیاوهيل ئهو كۆت و بهندهيله تونتر كردگهسهو.
لهبهشيگ لهوڵاتهيلتر ئسلامی لهشان شهریعهتهیل ئسلام ، ماره كردن دويهتهيل ژێر 18 ساڵ نایاساییه، ك ئهوهيش هووكار رۆحی، جسمی، كۆمهڵایهتی، فكری و پزيشكی تایبهت وهخوهی ديرێ.
| < پێشتر | دواتر > |
|---|
