شهفهق/ نازدار ڤیدیۆ کلیپ میلوڤان ئهکاده دیاری له عهيد؛ هونهرمهند گورانيچڕ خانم نازدار ههمیشه تهقالا
كردگه کار جوان پێشکهش بکا و تا ئيسه چهنهها ڤیدیۆ کلیپ و گورانی تومار کردگه وهل سیدیش، نازدار چ وه شيوهزار سورانی بوود یا کرمانجی گورانی چڕیهو نادێ ئهوهيش له هويرهو بوهين ک خانم نازدار خوهی له ئهسڵ وه کرمانجی گورانی ئهچڕێ وهلی له ههمان وهختيش فره وه شيوهیگ سهرکهفتگانه گورانی سۆرانیش ئهچڕێ یهکيگيش لهو گورانیهیله ك وه سۆرانی وتيهسهی گورانی هونهرمهند كوچكردگ کاروان عوسمان بى وه ناو مهڕهنجێ ک وه شيوهیگ فره سهرکهفتگانه توماری کرد وه ڤیدیۆ کلیپیش ئهرای کرد.
لهدويايين کار و پڕۆژهی هونهريی، نازدار ئاشكرا كرد ك ئيسه گورانی میلوڤان تهواو کردگه ک له ئهستهنبوڵ کار وينهگرتن ئهرای کرياگه و له دهراوردن ئهیوب دریلکه و له شعر و ئاواز باوگ خوهشهویس نازدار خانم کاک حهسهن بهیکهره.
نازدار زیاتر لهبان گورانى و کلیپهگهی ئويشێ ئهى گورانیه تازهترین کار منه وه شيوهیگ فره پڕۆفیشناڵ ڤیدیۆ کلیپ ئهرای کرياگه ک ستاف ئهى کلیپه له 26 کهس پێکهاتگه ک 4 دويهت وهل 4 کوڕ و نازدار وهههڵپهڕكی له کلیپهگه بهشدارن.
نازدار ئهوهيش دهرخست ک ئهى ڤیدیۆ کلیپه ئهکاده دیاری ئهرا عهيد ڕهمهزان پیرووز وه گشت گووشتهكنهيل و خوهشهویسهيلی له ناو و دهيشت کوردستان و له ڕووژهیل عهيد ئهى کلیپه بڵاوهو ئهدێ.
| < پێشتر | دواتر > |
|---|
