شهفهق/ "هاوار ئهڵوهن" فیلميگ دیكۆمينتییه له دهرهاوردن ئهیاد جهبار، باس له وشكهوبوين رووبار ئهڵوهن
ئهكا، له خانهقین نمایشكرا.
ئيوارهی دويهكه جومعه، له هۆڵ ناوهند كهلتووری شار خانهقین، وهئامادهبوين شمارهیگ له هونهرمهندهيل و ڕووشنهویرهيل و هاووڵاتیهيل ناوچهگه، ئهی فيلم كۆڵ دیكۆمێنتییه نمایشكريا ك تایبهت بوی وهوشكهوبوين ئهڵوهن و بڕین ئاو ئهو رووباره له لایهن وڵات ئيران و زهرهرو زیانهیلی لهبان ناوچهگه.
ئهیاد جهبار دهرهاوهر ئهی فیلمه وت "مهبهس لهی فلیم كۆڵه نیشاندان و وههویرهوهاوردن رووبار ئهڵوهن له گوزهيشته ك چوين مایهی سهوزایی و كشتوكاڵ و يادگاری و خوهشهویسی هاووڵاتيهيل بويه، تا رادهیگ ئهو رووباره لهلای ئهدیبهيل و رووشنهویرهيل و هاووڵاتیهيل جوور ناسنامهیگ خانهقین نیشاندرياگه، وهلی له ئيسهو ئهو رووباره وه تهواوی وشكبويه، ئهيهيش چ له روی ئابووری و كشتوكاڵ و چ له رووی دهروينییهوه زهرهر و ئازار فرهیگ ئهرا نيشتهجايهيل ناوچهگه دروس كردگه".
وتیش "لهلای خانهقینیهيل ئهڵوهن و خانهقین جوور دو عاشق تهماشا ئهكريهن و نه ئهڵوهن وهبی خانهقین و نه خانهقین وهبی ئڵوهن ژيهێ".
فیلم دیكۆمێنتی "هاوار ئهڵوهن" ماوهگهی 16 خولهكه، وه خوهنستن شعر له لایهن هونهرمهند ناسرياگ ناوچهی خانهقین حهسهن ههیاس و گرتهو دیمهنه خهمناكهگان وشكهوبوين رووبار ئهڵوهن ئامادهبويهيل تويش حاڵوههوايگ خهمناك كرد.
| < پێشتر | دواتر > |
|---|
