شهفهق/ كۆمپانیایگ بهریتانیایی جفتێگ كهوش گرانقيمهت ژنانه له خاسترین و نایابترین تهڵا و گهوههر
گردهوكرياگ دروسكردگه ك نرخهگهی 155 ههزار دۆلاره و ههزار ساڵ گهرهنتیش ديرى.
وهگورهی سهرچاوهیل خهوهرى ، ئهو كهوش ژنانه له لایهن (زێڕنگهری بورگز) له لهندهن پایتهخت بهریتانیا دروس كرياگه ك دیزاینهر ئهو كهوشه زیاتر له 2 ههزار و 200 پارچه ئهڵماس گرانقيمهت له ههر چوار دهور ئهو كهوشه وهكارهاوردگه وهل بڕێگ زهڕ عهیار 24، بيجگه لهيانهيش بڕ 2 ههزار و 200 پارچه ئهڵماس نهخشدرياگيش له ڕازاننهوهی كهوشهگه وهكارهاوردگه.
دیزاینهر و دروسكار ئهو كهوشه ك ناوی (كریستۆڤهر مایكڵ)ـه ماوهی 3 ساڵ تهواو خهريك دروسكردن ئهو كهوشه بويه و ههر وهيخاتريشه وهبێ ترس ماوهی 1000 ساڵ گهرهنتی ئهرا كهوشهگه داناگه.
ئهوهگ جی سهرهنجه، ئهو دیزاینهره تهنيا جفتێگ كهوش دروسكردگه، وهيخاتره ههر سهرمایهداريگ مهیل سهنین جفتێگ كهوش لهی جووره داشتوود، بايهته ماوهی چهن ساڵيگ ئارام بگرێ تا ئهو وهختهگ سرهی ئهيهێ.
ههميش ناو كهوشهگه نرياگهسه (Eternal Diamond Stiletto) كۆمپانیای دروسكاریش بڕ (155) ههزار دۆلار ئهرا فرووشتنى پێشنیار كردگه و ئيسهيش چهوهڕيیه نرخ بدريهێده پی.
| < پێشتر | دواتر > |
|---|
