شهفهق/ * یهكهمین شماره یا ڕهقهم لهقهى سهیاره لهساڵ (1893) لهلایهن پۆلیس هاتوچوو (مرور) فرهنسیهوه دانریا ئهرا
سهیاره.
* قانوون هاتوچوو(مرور) یهكمجار له بریتانیا دانریاو ناوى نان قانوون سهیارهیل بریتانى ، وهل ئهوهیشا وهتیانهپى قانوون (پهرچهم قرمز) ك ئهویش لهساڵ 1885 بوى ، ئهو قانوونه 3 كهس تواس لهجاده ئاماده بووگ ، یهكمیان لهجاده ڕى بكاو دویهم لهكنار جادهو سێیهمیش لهدویرى 60 یارده لهوهردهم سهیارهیگ ڕى بكاو پهرچهم قرمز بهرزهو كردویگ.
* یهكهمین ئشارهى مرور (ترهفكلایت) لهجههان له (دترویت) لهئهمریكا دانریا لهساڵ 1919 و یهكهمین ترفكلایت ك دامهزریا لهبریتانیا لهشار (ولفر هانتن) بوى لهساڵ 1928.
* یهكهمین بهنزینخانه لهجههان لهساڵ 1906 له ئهمریكا دامهزریا.
* یهكهمین رویداگ هاتوچوو( مرورى) لهساڵ 1771 رویدا لهپاریس لهڕى سهیارهیگهوه ك وهمهكینهى ههڵمى كار كردیاگ و دا لهدیواریگ تهلبهن لهچواردهور پارك پاریس ئهرسنال.
* یهكهمین ئشارهى ئى بهر و ئهو بهركردن (عبور) مهردم لهساڵ 1934 له بریتانیا دامهزریا ، فكرهگهیش فره ئاسان بوى و شوونهیل پهڕینهوه لهجاده وهخهتهیل نوخته نوختهیى نهخش كریاویگ لهبان جادهو دویاخر ئاڵشت بوى جویر نهخشهى گووشدریژ وهحشى و ههر لهوهر ئهوهیش ناوى نریا( زبرا كروسینك) و ئى پیشكهفتنیشه لهشوون جهنگ دویهم جههانى رویدا.
* یهكهمین ژنه پۆلیس هاتوچوو (مرور) ئهرا چهودیریكردن و زاڵبوین لهبان هاتوچوو لهجاده ، له پاریس بوى لهساڵ 1964 ، بیجگه ئهوهیش له هند ژن وهكار هاویا جویر پۆلیس هاتوچوو لهجاده لهساڵ 1989 .
* یهكهمین رویداگ هاتوچوو ، لهبریتانیا رویداو لهئهنجام ئهو رویداگیشه سایهقیگ گیان لهدهسدا لهناوچهى (كروف هیل) له لهندهن لهساڵ 1899.
* یهكهمین ڕیگهیگ ك دروس كریا ئهرا هاتوچوو سهیاره لهساڵ 1902 بوى ك وه كوچگ دروس كریا لهناوچهى (مۆنتكارلو) لهبان فكرهى دكتۆریگ سویسرى و لهسهرهتاوه تهنیا وه زفت سهرد دروس كریا و تا ئیسه رهسیه ئهوهك زفت گهرم باریهیگه كار و قیر بكریهیگ.
* یهكهمین چوار ڕیان هاتوچوو سهندووقى لهساڵ 1964 لهشار لهندهن دروس كریا لهوهر كهمهوكردن قهرهباڵغى ناو شار.
* یهكهمین قانوون هاتوچوو (مرورى) لهساڵ 1904 دانریا له بریتانیا ، ئى قانوونیشه لهوهر ئهوه دانریا تا گشت سایهقیگ شمارهى سهیارهگهى بكوتیگه قهى سهیارهگهى.
* یهكهمین كهسیگ ك گیریا وهسهبهب رویداگ هاتوچوو یا مرورهوه ناوى (جون هنرى نایت) بوى ك گیریاو غرامهى خریا لهوهر ئهوهك لهجاده سهرپیچى كردگه له سهیارهڕانین و شایهت ههر خوهیشى یهكهمین كهسیگ بویگ چویگه وهردهم دادگا.
| < پێشتر | دواتر > |
|---|
