شهفهق/ خانمە گورانیچڕ رووژهەڵات کوردستان، نازێ عەزیزى بڕیار داگە داهات دويا ئەلبوومى بوەخشێدە
ژنهيل زندانی كرياگ کوردستان و ئاشكراێ كرد ك لەى هەفتە ئاخرين کلیپ خوهى لە شەقڵاوە دروس ئهكا.
خاتوو نازێ عەزیزى، ک خەڵک مەهابادە دهريخست، لەهەفتەى ئایندە گورانى (جێژوان) کلیپ ئەکا، ک ئەو گورانیە یەکيگ لە گورانیەيل ئاخرين ئەلبووميه، ک جارى بڵاوهو نەکرياس، ناوبرياگ ئويشێ "گورانى (جێژوان) لە شعر میدیا مەعروفى و ئاواز خوهمە، لەپێکهاتەى سێیەم ئەلبوومم (ئاوازەکانى دڵتەنگى)ە، گشت کارەيل ئەو ئەلبوومە تەواو کردمە، تەنیا ئەوە مهنيە کۆمپانیایگ هونەرى خاس بوود ، بتويهنێ ئەرک بڵاوهوبوينى بگرێده مل، داهات ئەلبوومەگەيش بەخشمە ژنهيل زندانی كرياگ کوردستان، ئوميدوارم بتويهنم ئەو کارە ئەنجام بيەم".
نازێ لەبارەى ئەو کلیپە، ک هاتهما لە شەقڵاوە فيلمهگهی بگرێ، ئويشێ "یەکەمجارمە وهل دەرهاوەر محەمەد جەمیل کار ئەکەم، ئەو کار دەرهاوردن کلیپەگە ئەنجام ئەيا و لەلایەن هاوکار فەرهاد وەکامێراى hd سینەمایى فيلم ئهرای ئهگيريهێ"، چهوهڕى ئهكريهێ ئەو کلیپە بدێدە یەکيگ لە کلیپە فره جوانەگان کوردى، نازێ ئوميدوارە وهی نزيكهيله کارەگە تەواو و جوور دیارییگ عهيد پێشکەشى وه هەوادارهيلی بکا.
| < پێشتر | دواتر > |
|---|
