شهفهق/ ژیار عهلی حهمه غهریب مناڵيگ 12 ساڵان لهداڵگبوی شار سلێمانی و خوهندكار پۆل 7 ک
وهوجوورهگ خوهی باسی کرد ماوهی 2 ساڵه دهس کردگهسه وهکارهاوردن کۆمپیتهرو ئینتهرنێت و تويهنسگه ک چهنهها بهرنامهی کۆمپیتهری له زووان ئنگلیزیهو بکاده کوردی.
کاکه ژیار وت ک ئهو بهرنامهیله ک کردیهسهيانه کوردی تا ئيسه بهرنامهی ساده بوينه جوور خوهی باسی کرد تواستگه تاقیيان بکادهو تا بڕهسێده ئهو ئامانجهگ بتويهنێ کاريگ گهوراتر بکا، و ئويشێ ئيسه خهريك ئهوهم ک ویندۆز لایڤ ماسنجێر له زووان ئنگلیزی ئاڵشتهو بكهم ئهرا زووان شیرین کوردی؛ ئويشێ ئهرا چه ئيمهی کوردیش نه تويهنیمن لهوهخت داوهزانن بهرنامهيگ وهختيگ ک زووانهيله ههڵئهوژنيمن نهکهیمنهی کوردی؟! وهيخاتره ئويشێ من ئيسه کارهگهم 80%ی تهواو بويهو وه زويترین وهخت ئهخهمهى وهردهس وهکارهاوهرهیل کورد لهههر شوينيگ دونیا بوون ، ژیار زياتر وت: من وهرجلهئهوهگ مسن ماسێنجێر دهس وهپی بكهم خهریک یاهوو ماسنجێر بيم وهلی دوياخر ههس کردم ک وهکارهاوهرهیل کورد زیاتر مسن وهکار ئهيهرن وهيخاتره منیش بڕیار دام ک هویرهگهم ئاڵشت بكهم له یاهۆ ئهرا مسن ،کاکه ژیار ئويشێ ک فره سپاس باوگی ئهکا ک رێگرى نهويه له وهکارهاوردن کۆمپیتهر و وتيش ك ئینشاللا له ئایندهیيگ نزیک پرۆگرام گهوراتر زووانهگانیان ئاڵشتهو ئهكا ئهرا کوردی.
| < پێشتر | دواتر > |
|---|
