شهفهق/ خیمینا ناڤاریت ك نازناو شاجوان مهكسیك وهدسهاوردويگ ، له پێشبڕكی ههڵوژاردن شاجوان دنيا
پلهی یهكهم وهدهسهاورد و وه شاجوان دنيا ئهرا ساڵ 2010 دهستنیشانكريا.
له ئاههنگيگ گهورا و قهشهنگ ك له لاس فیگاس له ویلایهتهيل یهكگرت ئهمریكا وهڕيهوچوى، خیمینا ناڤارێتی 22 ساڵان كريا شاجوان دنيا ئهرا ساڵ 2010، وهوجوورهيش گشت پێشبینییهيل ئهرا وهپيداين ئهو نازناوه وه شاجوانهيل ئیرلهندا و ئهمریكا و فهنزوێلا شكست وهپيان هاورد.
ئهی شاجوان نووه خهڵك شار گرادالاخارا (دووڵ كوچگ)ی مهكسیكه و له عومر 15 ساڵییهو بويهسه نمایشكار جنگ و حهزیش له زانست خۆراك ئهكا. وهلی لهشوون ئهوهگ ئيسه بويهسه شاجوان دنيا، بايهته ئهرا ماوهی یهك ساڵ و تا لهدهسداين ئهو نازناوه خوهی تهرخان بكا ئهرا رويوهرويبوينهوهی كێشهيل كومهڵایهتی جوور بنبڕكردن نهخوهشی ئایدز و شێرپهنجهی مهمگ. ئهيهيش مهرج بهشداربوينه له پێشبڕكييهگه و مهرج وهدهسهاوردن ئهو نازناويشهسه.
وهل تاجهگهی و نازناوهگهی، ئهى شاجوانه ههليگ خوهندنیش ئهرا ماوهی یهك ساڵ له ئهكادیمیای نیویۆرك ئهرا فیلم (نیویۆرك فیلم ئهكادیمی) وهپيبهخشريا و ئهرا ماوهی یهك ساڵیش كهوش و كهرهستهی خوهی ڕازاننهوهی وه پهتی بهخشريهێدهپی.
ساڵ 2009 ستیڤانیا فێرناندز 19 ساڵان ڤهنزوێلی وه شاجوان دنيا ههڵوژريا، وهلی ئمساڵ خیمینا ناڤاریت ئهو نازناوه وهدهسهاورد.
| < پێشتر | دواتر > |
|---|
