شهفهق/ یهكیگ له كۆمپانيايهیل هونهرى كوردى وهل شمارهیگ له هونهرمهنهیل ئیرانى ك دیارى ترینیان گورانیچڕ ناودار (گوگوش)ه
ڕێككهفتگه تا له ڕووژ عید ڕهمهزان ئاههنگیگ له شار ههولێر ساز بكا. سهلوان سناتى وهڕیهوبهر كۆمپانياى بابیلون هونهرى له تهسریحیگ ڕووژنامهگهرى وت: ئهى كۆمپانيا وهل ههریهك له هونهرمهنهیل ئیرانى گوگوش و ئهفشین و شادمهر و سپیده و ئهندى و جهمشید ڕێككهفتگه تا كۆنسرتهیلیگ له عید فتر له ناوچهى عهینكاوه له پارێزگاى ههولێر بهرپا بكهن. ناوبریاگ ههمیش وت: ئهى ئاههنگهیله له سالۆن بابیلون وۆرڵد ك وهگورهى تايبهتمهندیهیل جههانى دروس كریاگه و 4500 كورسى هالهتى بهرپا ئهكریهن.
| < پێشتر | دواتر > |
|---|
