شهفهق/دراوهر هۆلیۆدى كورد جانو ڕۆژبهیانى، كهفتیهسه مینهى لایهنیگ پویلداركهر یا (ممول) له ههرێم كوردستان ئهرا
تهواوكردن فیلمه نووهگهى " چاپلێن جهوهڵهیل" ك یهكمین فیلمه لهباوهت كورد وه زووان ئنگلیزى.
جانو ڕۆژبهیانى وهت :"ساڵیگ تهمام ڕهى بوى وهبان ڕهسمگرتن ئى فیلمه ك له لایهن تیم كاریگ هۆلیۆدى له تاوسان ساڵ 2009 له ههرێم كوردستان ڕهسمى گرت و 25 ڕووژ وهپى چوى، و من ئیسه مینهى پویلداركهریگ كهم ئهرا تهواوكردن ئهوهگ لهى فیلمه مهنیه ك كار دهنگ و ڕهنگ و تهرجهمهیه ئهرا زووان كوردى و ئاڵشتكردنى ئهرا سستهم 35ملم".
ئاماژهیش وهوه دا ك :" ئومیدوارم حكوومهت ههرێم كوردستان ئاست گرنگى ئى فیلمه بزانید و پشتگیرى لهلى بكهید ئهرا تهواوكردن كارهیل مهنگى ك بودجهى قورسیگ تواى ك له تواناى من نیه جوور دراوهریگ".
ڕۆژبهیانى زیاتر وهت:" فیلمهگه باس گرووپیگ ئارهزوودار نمایشكردن فیلمهیل ئاكتهر كۆمیدى ناودار چارلى چاپلن كهید له گشت لایگ دنیا، و له گهشتهگانیان قهیریگ له ئاواییهیل كوردستان ههڵوژنن ئهرا نمایشكردن فیلمهگانى ، و وهناو ئهو ئاواییهیله گڕ خوهن ك ڕژیم سهدام ویرانیان كردله ئۆپهراسیۆنهگان ئهنفال و دویهتیگ فهرهنسى هاوهلیانه و ك داڵگى كورده و هاتیه مینهى خێزانهگهى داڵگه كهیدله یهكیگ له ئاواییهیل بان سنوور ك تویش ئهنفال هاتوید و لهورا چهوى كهفیده باپیرى ك مینیده چارلى چاپلێن له جموجویلهگانى".
فیلم "چاپلێن جهوهڵهیل" ك له لایهن ڕهسمگر هۆلیۆدى وهڕهگهز هۆڵهندى جۆنس ساكس ڕهسمى گریاس و شمارهیگ ئهكتهر ئهمریكى و ئۆروپى و كورد لهتى دهور دوینن، له 28 حوزهیران له هۆڵ پێشهوا ئهرا كاروهدهسهیل حكوومى و نوێنهرهیل قونسڵگهریهیل بیگانه و شمارهیگ سینهماكار له ههولێر پایتهخت ههرێم كوردستان عیراق نمایشكریا.
| < پێشتر | دواتر > |
|---|
