شهفهق/ شاره بویچكهڵانهگهى ڕاینبێك له باكوور شار نیویۆرك دویهكه شهممه ئاههنگ سویربردن چهڵسى
دویهت سهرۆك وهرین ئهمریكا بیڵ كلینتۆن و هیلارى كلینتۆن وهزیر خارجیهى ژنى وهخوهیهو دى.
سویر چهڵسى ئهرا مارك مزڤیسكى بریا له ئاههنگیگ ك وه "ئاههنگ شاهانهى ئهمریكا" وهسفى كریا له ناوچهى تاریخى ئهستوور كۆرتس له بان چهم هدسۆن.
لهى ئاههنگه، گهورا كاروهدهسهیل و سیاسهتمهدارهیل و هونهرمهندهیل ئاماده بوین ، لهوانهیش مادلێن ئۆلبرایت وهزیر خارجیهى وهرین و تێد دانسۆن ئاكتهر و مارى ستینیرگن ژنه ئاكتهر و ڤێرا وانگ ژنه نهخشهساز جنگ ، بیجگ له ستیڤ بینگ بهرههمهاوهر سینهمایى.
وهى بوونه ههریهك له بیل و هیلارى كلینتۆن ئیمڕوو یهكشهممه گوزارش له خوهشحاڵى خوهیان كردن، شایان باسه ك چهڵسى 30 ساڵان و مارك 32 ساڵان ههر له عومر مێردمناڵیهو یهكترى ناسین.
| < پێشتر | دواتر > |
|---|
