محهمهد عهبدوڵڵا كهلاری
ئهرا سهرهتای سهدهی گوزهيشت . وهختيگ ئنگليز و فرهنسيهيل كۆنترۆڵ ميكانزمهيل يا ئاليهت جهمهوكردن ههواڵ و دابهشكردنيان كردن ، لهو وهخته ئهمريكا له بيسهيل سهدهی گوزهيشت هاته ناو كاروانهوه گلهيی و رهخنه له ههژموون ئۆرپی گرت لهبان كهناڵهيل ههواڵ و دابهشكردنيان ، ئمجا لهشوون جهنگ دويم جههانی ئهمريكا كهمه كهمه دهسكرده كۆنترۆڵكردن كهناڵ و ميكانزمهيل ههواڵ و زانياريهيل . ئهوانهك دوشمن جههانگيريين وهپيان لهيواسه ئی پرووسه زاڵبوين كلتوور رووژئاواييه وهتايبهت ئهمريكا ، ئهويش وه ئهوهك وڵاتهيل رووژئاوا توان قهدر پيرووز نهتهوهيل تر نهيلن و كلتور خوهيان لهبانيان بچهسپنن . بيجگه ئهوهيش ئهڕای چوين تريش ههس ك وهپی لهيواسه جههانگيری مهعنای زاڵبوين كلتووريگ لهبان كلتووريگ تر نيه ، وهلی بنهڕهت شيواز تازهی زاڵبوين كلتوورهو لهههمان وهخت كلتوورهيل تر هويچ دويارووژيگ نهيرن و ئويشن ئی پرووسه وه سهبهب ئهو تهكنۆلۆجياو ميديايهيلهوه ك ها لهوهردهس توانای خودچهسپاننی فرهترهو كهمه كهمه كلتوورهيل تر دويرهو خهيگ و جههان وهرهو تاك كلتووری رووژئاوايی بهيگ .
ئهرا ئهوهك جههانگيريهگهمان جههانگيرييگ دوياكهفتگ نهوگ ، بايهسه قانجاز له لايهنهيل خاس كلتوور رووژئاوا بكهيم و ، وڵاتهيل فرهيگ ههر زوی لهی راسيه ئاگادارهو بوينه . ئهرا نموونه : وهزيريگ خارجيهی كهنهدا ئويشيگ ( ئهگهر پيشكهفتن لهوهكارهاوردن پيشهسازی كار خراويگ بووگ ، ئهوه لهپيشهسازی كلتووری فره خراوتره ، چوينكه مهسهلهگه چهسپانن نرخ نيه ، بهڵكوو چهسپانن هويرو ئهڕای چوينه) . بيجگه ئهوهيش فكرمهن فرهنسی (رۆژه گارۆدی) ئويشيگ ( ئۆرپا لهوهردهم داگيركاری سينهمايی و تهلهفزيۆنی ئهمريكی شكهست هاورد ، ئمڕوويش كلتوورهيل وهبی پاسهپۆرت جيواز بوون و ئادهميزاد وه ئاسانی تويهنيگ بوينيگهيان) . وهلی ئهوانهك چهواشهی ئی ئهرای چوينه هويرهو كهن وهپيان لهيواسه ك لهجههانگيری گشت كلتوورهيل لهئاست جههان تويهنن خوهيان نيشان بيهن و كاريگهری لهبان كلتوورهيل تر دابنهن .
د . پيرۆز مهجيد زاده ئويشيگ ( ئاوای جههانی وهو مهعنا ك گشت فهرههنگهيل بوونه يهكيگ ، هويچ وهخت روی نيهيگ ، چوينكه جههانگيری هاندهر مقهيهتيكردن شوناسنامهی نهتهوهييه ، وهو مهعنا ئی گهورابوين فهرههنگه لهههمان وهخت گلهوخواردنه ئهرا فهرههنگهيل هويرده ) . كهسهيليگ هان لهو باوهڕه جههانگيری فشار راسهوخۆ دروس نيهكهيگ ئهرا كلتوورهيل تر و نيهخهيگهيانه وهر مهترسی . ههرچهنی رووژئاوا وهگشتی توايگ كلتوورهيل دهيشت بسڕيگهوهو دهس بگريگه بانی و دوياخر له يهك شيوهی نموونهيی بخهيگهی روی ، وهلی لهوهر ئهوهك ئيسه ئهمريكا ها لهنك دهسڵات ، ترس لهناو كوومهڵگاو دهوڵهتهيل ئۆرپييش دروس بويه .
| < پێشتر | دواتر > |
|---|
