شـه‌فــه‌ق نــیوز

شه‌فه‌ق/ ماناز كرماشانی يه‌كێگ له‌ ئه‌و خانمه‌يل ره‌ين و سه‌ركه‌فتگه‌ ك توانستيه‌ له‌دو بوارا سه‌ركه‌فتن وه‌ ده‌س بارێد، هه‌م له‌ بوار هونه‌ر و هه‌ميش له‌ بوار ره‌سانن.

له‌ باوه‌ت يه‌گ چوی گورانچڕێگ له‌ روی تێكست و ئاوازه‌و چ گرفتێگ ئه‌ياده‌ نوايه‌، ماناز ئويشێ: وڵات سويد وه‌ل كوردستان جياوازه‌، وه‌ حوكم وه‌گ له‌ كوردستان شايه‌د شاعێرێگ وه‌ ئاسانی بكه‌فێده‌و ده‌س يا ئاوازنه‌ر و موزيكژه‌ن نزيك بوودو هه‌روه‌يجووريشه‌ كۆمه‌ڵه‌ێگ باوه‌ت تره‌كيش له‌ی بواره‌و، وه‌لی ئيمه‌ شايه‌د كێشه‌ی تێكستمان بايده‌ پێش يا خوو ئاوازنه‌رمان كه‌م بوود ك ناچاريم پشت وه‌ ئاوازنه‌رێگ له‌ وڵاتێگ تره‌ك يا كوردستان بوه‌سيم. يه‌‌يشه‌ گرفته‌ له‌ وه‌ختێگ بخوازيم له‌يه‌ك نزيكتره‌و بويمن تا هويرو ئه‌راچێنه‌يلمان وه‌ل يه‌كا ئاڵشت بكه‌يم.

هه‌ر وه‌يجووريشه‌ كێشه‌ی دويری موزيكژه‌نه‌يليش يه‌كێگ له‌ كێشه‌يل سه‌ره‌كيه‌، چوين ك كۆوه‌و كردنيان وه‌ ئاسانی ناو كوردستان نيه‌و يه‌يشه‌ زامه‌ته‌.

ماناز هه‌ر ئايه‌مێگ لای ره‌ينه‌و ئويشێ: منيش كه‌سێگ ساده‌م له‌ ژيان خوه‌ماو فره‌يش حه‌ز له‌ مه‌كياژ ناكه‌م، ئاره‌زووميش هه‌ ره‌نيترين دڵنگ و خوه‌شترين بووه‌.

كوردفه‌يم