شـه‌فــه‌ق نــیوز

شه‌فه‌ق/ هونه‌رمه‌ند نازادار ئه‌وه‌ ئه‌خاده‌ڕوی، ك ئاماده‌س‌ له‌بوونه‌يل تایبه‌ت گورانی بچڕێ. ئويشێديش "كلیپ (ئه‌ی فه‌له‌ك) تازه‌ترین كار هونه‌ریم بوی."

نازدار له‌داڵگبوی ساڵ 1987ه‌و له‌جزیره‌ی بۆتان چه‌وی وه‌دونیا واز كردگه‌، له‌ساڵ 1993جزیره‌ی بۆتان هيلنه‌جی و ڕوی له‌ئه‌وڕووپا ئه‌كه‌ن. ئه‌و وه‌خته‌ نازدار له‌ عومر شه‌ش ساڵان بويه‌ و ئيسه‌يش ژیان له‌ وڵات ئه‌ڵمانیا ئه‌واده‌و سه‌ر. نازدار تا ئيسه‌ خاوه‌ن 2 ئه‌لبووم و 8 كلیپه‌، ئه‌را ئمسالیش دويايین كلیپ خوه‌ی بڵاوه‌وكرد‌ وه‌ناو (ئه‌ی فه‌له‌ك). نازدار له‌گفتوگوويگ ئه‌را كوردفه‌یم سه‌باره‌ت وه‌ گورانی ئه‌ی فه‌له‌ك وتگه‌: كلیپ (ئه‌ی فه‌له‌ك) دويایين كار هونه‌ریم بوی له‌ساڵ 2012 بڵاوه‌وكريا‌ ك‌ گورانیيگ هونه‌رمه‌ند گه‌ورا‌ (محه‌مه‌د ماملێ) یه‌، منیش ه‌شێوه‌ی تازه‌ ئه‌ی گورانیه‌ وتمه‌سه‌و ‌و كلیپ ئه‌رای كردمه. نازدار ئه‌وه‌يش ئاشكرا كرد، ك ‌گورانی (ئه‌ی فه‌له‌ك) یه‌كێگه‌ له‌گورانیه‌یل به‌رهه‌مه‌ تازه‌گه‌ی و تا ئيسه‌ بڵاو نه‌ويه‌سه‌و‌.

له‌باره‌ی ئه‌وه‌گ تاچه‌نيگ ئاماده‌ی له‌ئاهه‌نگه‌يل تایبه‌ت گورانی بچڕيد، نازدار وتگه‌: ئاماده‌بوينم له‌بوونه‌تایبه‌تیه‌گان ئه‌را گورانی وتن وه‌ شوون و كه‌سه‌گان ئاڵشت ئه‌دێ ك ‌له‌ی ئاهه‌نگه‌ به‌شدارن هه‌ميش ئاهه‌نگه‌گه‌ وه‌گوره‌ی داب ونه‌ریت كوردی بوود، ئاماده‌م گورانی بچڕم و به‌شدار بووم،  وه‌لی وه‌مه‌رجێگ ‌هونه‌ره‌گه‌م بويچگه‌و نه‌كا‌و ڕێز له‌هونه‌ره‌گه‌م بگيريه‌ێ، نازدار وه‌و جووره‌گ باسی ئه‌كا جزیری بۆتان فره‌ له‌لای خوه‌شه‌ویسته‌و چه‌ن جارێگیش سه‌ردانی كردگه‌.