شـه‌فــه‌ق نــیوز

شه‌فه‌ق/ لەچەن رووژ گوزه‌يشته‌، لۆکە سیدی وەیەکەو بڵاوه‌وکرد، ک یەکێگیان وەزاراوەی سۆرانییە وەناو (گوناهت کرد) لە 12 گورانی پێکهاتگەو گشت میلۆدییەیلى لەلایەن هونەرمەند هەڵکەوت زاهیر-ەو دانريانه‌ و تێکستەگان لەلایەن (حەمەسەعید حەسەن، د. ئاراس عبدولکەریم، شێرکۆ بێکەس، ڕەنج سەنگاوی، د. فەریدون عبدولبەرزنجی، ئەحمەد مەحەمەد، زیاد ئەسعەد، محەمەد شکاک و هەميش 3 تێکستیش هەڵکەوت زاهیر نويساسه‌یان، ئەلبوم دويەمیش وەزاراوەی کرمانجییەو وەناو (سپێدە)س، وەهەمان شێوە سەرجەم میلۆدییەیل لەلایەن ئاوازدانەر هەڵکەوت زاهیر-ەو دانريانه‌ و تێکستەگان لەلایەن (ئەدیب چەلکی، ئاکام ئاکرەی، وەیس وڵاتی، میلەت دۆسکی و هەميش گورانی چی چی وەزووان فارسی تێکستەگەی لەلایەن هونەرمەند کاوە شێخ نويسرياس.

سەبارەت وەوەگ ئه‌راچه‌ لەیەک وه‌خت دو ئەلبوم بڵاوه‌وکرد، لۆکە وت: ماوه‌يگە خەریک ئەوکارمە و فره‌ وه‌پيه‌و شه‌كه‌ت بويم، مه‌مه‌رەگەيشی تەنیا حەزێگ خوه‌م بويەو تواستمه‌ جوور ئەزموونێگ ئەيە تاقی بکەمەو و ئوميدوارم وەدڵ جەماوەرەگەم بوود.