شـه‌فــه‌ق نــیوز

شه‌فه‌ق/ هونه‌ر‌مه‌ند پۆپ(بيانسه) دويه‌تێگ هاورده‌ دونيا.

وه‌ گوره‌ی خه‌وه‌رێگ له‌ رووژنامه‌ی توركی(پۆستا)، بيانسه هونه‌رمه‌ند ناودار‌ ئه‌مريكی و ژن هونه‌رمه‌ند ناودار هيپ هۆپ(چای زی)، شه‌و گوزه‌يشته‌ مناڵێگ ئه‌رای بوی ك دويه‌تێگه‌و ناوی نان (ئيڤی بلو كارتێر)، هه‌ر وه‌يجووره‌يشه‌ سه‌ڵامه‌تی بيانسه و دويه‌ته‌گه‌ی فره‌ خاسه‌.

وه‌ گوره‌ی ئه‌ی خه‌وه‌ره‌، بيانسه‌ له‌ نه‌خوه‌شخانه‌ی (لينۆكس هيڵ) له‌ نيويۆك ئه‌ی مناڵه‌ هاورديه‌و گشت قات نويه‌م ئه‌ی نه‌خوه‌شخانه وه‌ يه‌ك مليۆن و سێسه‌د هه‌زار دۆلار وه‌ كرا گرتويد.