شـه‌فــه‌ق نــیوز

شه‌فه‌ق/ ژنه‌ هونه‌رمه‌ند مسری(نه‌بیله‌ عوبێد) وه‌ تویڕه‌ییه‌و‌ جوواو ئه‌و  خه‌وه‌ره‌ دا ك له‌ لایه‌ن بڕێگ له‌‌ ڕووژنامه‌یل بڵاوه‌و بویه‌ ك گوایا په‌یوه‌ندییگ عاشقانه‌ له‌ ناو‌نی ئه‌و و كاندید سه‌رۆكایه‌تی مسر(عه‌مرو موسا) هه‌س.
ئه‌ی خانم هونه‌رمه‌نده‌ له‌ی باوه‌ته‌و وه‌تیه‌: ئه‌و ده‌نگودوه‌یله‌‌‌، هویچ بنه‌ماێگ له‌ راسی نه‌ێرن و تاوان ئه‌ده‌بیه‌و هه‌وڵێگێشه‌ ئه‌را ناشرین كردن عه‌مرو موسا!.
وه‌ قسیه‌ی ئه‌و هو‌نه‌رمه‌نده‌ تا ئیسه‌ ته‌نیا یه‌ی جار عه‌مرو موسا دیه‌و ئه‌وه‌یش له‌ بوونه‌ێگ گشتی وه‌ی دویاخره‌ ‌بویه.‌
نه‌بیله‌ عوبێد هه‌میش وه‌تیه‌: رووژنامه‌ی (الیوم السابعه‌) ك ئه‌ی دروو و بوخته‌ بڵاوه‌و كردیه‌، بڕیار داس‌ ك له‌ په‌ڕه‌ی یه‌كم ئه‌ی رووژنامه‌ وه‌ هه‌مان قه‌واره‌ی ئه‌ی خه‌وه‌ر ناڕاسه‌، داوای وه‌خشین بكا.
وه‌ گوره‌ی خه‌وه‌رێگ‌ سایت (عه‌كس سیر) نه‌بیله‌ بڕیار داس‌، داك و دڵنگ هساره‌یل هونه‌ری ژن و پیاو مسری گرده‌و بكا تا زیای كردنێگ(موزایده‌ی)ئاشكرا له‌ مانگ شوبات(فبرایه‌ر) ئاینده ئه‌رایان بكاو  وه‌ فرووشتن ئه‌وانه‌ زه‌خمداره‌یل شۆڕش مسر چاره‌سه‌ر بكا.‌

< پێشتر		دواتر >