شـه‌فــه‌ق نــیوز

له‌باوه‌ت خاسترين زانكۆ يا جامعه‌يل جه‌هانه‌وه‌ ، وه‌ك ساڵه‌يل گوزه‌يشت ، ليستيگ پيشكه‌ش كرياگه‌و دوباره‌ زانكۆ (هارڤارد) كه‌فته‌سه‌ پله‌ی

يه‌كم .

ئی ليسته‌ ناو (٢٠٠) زانكۆ يا جامعه‌ی ناودار جه‌هان گرته‌سه‌ خوه‌ی و زانكۆ هارڤارد وه‌ك خاسترين زانكۆ له‌جه‌هان له‌ساڵ (٢٠٠٩)نيشاندريا . ئمجا وه‌ی جووره‌ ناو پله‌ی يه‌كم تاده‌يه‌مين وه‌ی جووره‌سه‌:

پله‌ی يه‌كم : زانكۆ هارڤارد – ئه‌مريكا

پله‌ی دويم : زانكۆ كه‌مبريج – بريتانيا

پله‌ی سێيم : زانكۆ ييل – ئه‌مريكا

پله‌ی چوارم : زانكۆ كالج – بريتانيا

پله‌ی په‌نجم : زانكۆ ئه‌كسفۆرد – بريتانيا

پله‌ی شه‌شم : زانكۆ ئه‌مپێريال كالج له‌نده‌ن – بريتانيا

پله‌ی هه‌فتم : زانكۆ شيكاگۆ – ئه‌مريكا

پله‌ی هه‌يشتم : زانكۆ پرينستۆن – ئه‌مريكا

پله‌ی نويه‌م : ريكخرياگ ته‌كنۆلۆجيای ماساچۆست

پله‌ی ده‌يم : ريكخرياگ ته‌كنۆلۆجيای كاليفۆرنيا – ئه‌مريكا

وه‌ل ئه‌وه‌يشا زانكۆ يا جامعه‌ی ته‌كنۆلۆجی ماساچۆست پله‌ی يه‌كم زانكۆيه‌يل ئه‌ندازياری و ته‌كنۆلۆجيه‌و زانكۆ هارڤارد پله‌ی يه‌كم زانكۆيه‌يل بايلۆجی و بايۆپزيشكی و زانكۆ كه‌مبريج پله‌ی يه‌كم زانست و هونه‌ره‌ . ئمجا له‌ناونی وڵاته‌يل ئاسيايی ( ئيران ، يابان ، تايله‌ند ، چين ، هند ، هۆنگ كۆنگ ، كۆريای باشوور ، سه‌نگاپوور ، تايوان ، ماليزيا) ناويان له‌ی ليسته‌ بوی ك به‌رزترين ئاست تايبه‌ت بوی وه‌ زانكۆ (تۆكيۆ)ی يابان و دويای ئه‌ويش زانكۆ يا جامعه‌ی هۆنگ كۆنگ ك وه‌ی جووره‌ له‌ ڕز ٢٢ و ٢٤ ليسته‌گه‌ بوی .

فره‌ترين به‌ش ليسته‌گه‌ ، تايبه‌ت كرياگه‌ وه‌ زانكۆيه‌يل ئه‌مريكا و ٨٧ زانكۆ ئی وڵاته‌ له‌ ليستيگ (٣٣٩) شماره‌يی وجوود ديرن و له‌شوون ئه‌ويش بريتانيا وه‌ ٤٧ زانكۆ فره‌ترين شوون ئه‌را خوه‌ی تايبه‌ت كردگه‌ .

زانكۆ يا جامعه‌ی ته‌هران – ئيران ، وه‌ل زانكۆيه‌يل جۆرجيا- ی ئه‌مريكاو شووا- ی يابان له‌يه‌ك ڕز دانريانه‌ . وه‌ل ئه‌وه‌يشا زانكۆ يا جامعه‌ی ته‌هران له‌به‌ش ئه‌نديازياری it رز ١١٢ی جه‌هانه‌ .

< پێشتر		دواتر >