شـه‌فــه‌ق نــیوز

شه‌فه‌ق/ چەن رووژێگە پەیجێگ لە تووڕ کومەڵایەتی فەیسبووک وەناو خانمە هونەرمەند نیان عەبدوڵڵا کرياسەو

و گوایا ئەو کەسە ک ئەو پەیجە کرديەسه‌و خانمە هونەرمەند ناوبرياگەو مەبەس لەکردنەوەی ئەو پەیجيشە ئاگاداربوينیە لەهەوادارەیلى و گووش ته‌كاتن لەڕەخنەو پێشنیارەیل هەواداره‌يلی و ژمارەیگ ڕه‌سم ناوبرياگ بڵاوکردگه‌سەو وه‌ل چەن زانیاریيگ تر ک گشتیان ناڕاسن.

لەته‌سريحيگی ئه‌را سایت کورد فەیم نیان عەبدوڵڵا ئاشکرایه‌وکرد ک ئەو هیچ پەیجێگ نەيرێ لەتووڕ کومەڵایەتی فەیس بووک و ئاگادار ئەو پەیجيشە نییە ک وەناو ئەوەو کرياسەو و هویچ وه‌ختیش ئه‌رای نەيرێ وەخاتر ئەوەگ ئيسه‌ ئەو تەنيا خه‌ريك وەخاونکردن مناڵەگانییە.

ناوبرياگ داوايش لەدووسداره‌يل و عاشقه‌یل دەنگی کرد ک هویچ کەسێگ ئەو پەیجە نەکه‌ێده‌ دووس خوه‌ی و هەر کاريگیش داشتوود ئەوه‌ وەئاشکرا لەکەناڵەیل ڕه‌ساننه‌و دووسه‌يل و عاشقه‌یل دەنگی لەکارە هونەرییەگانی ئاگاداره‌و ئەکا.

< پێشتر		دواتر >