شـه‌فــه‌ق نــیوز

شه‌فه‌ق/ هونەرمەند شیرکۆ مەریوانی ماوەی فره‌يگە لە بوار گورانی وتن کار ئەکا و جى پەنجەی دیاربويە،

لەپەیوەندیيگ هونەرمەند وە گروپ هونەرلاند وتگە ک ماوەى فره‌يگ لەبان بڵاوکردنەوەی (یار، ئاهەنگی دل) گوزه‌يشتيه‌، ئيسه‌يش کووتایى وەدويایين بەرهەم خوه‌م هاوردمە وەناو (بەسە) ئەى گورانییشە فۆلکلۆر ناوچەی موکریانە، وەشیوازيگ تازە نوويه‌و کردمە، ئامانجمیش لەى کارە ئه‌را ئەوە گلەو خوه‌ێد بتويه‌نم گورانییە فۆلکلۆرەگان بەرز رابگرم و وه‌شيوازيگ تازەگەری بکەمەى دیاری ئه‌را هەواداره‌یل گورانی رەسەن، زیاتر وت: ئەى گورانییە لەبەشه‌وکردن میوزیک لەلایەن هونەرمەند چیا مەدەنی ئەنجامدرياس و کار میکسی لەلایەن میوزیک ژەن وەتوانا دیدەن ئه‌رای کرياس و ئيسه‌يش گشت کارەیلى تەواو بويە، بڕیارە لەماوەیگ نزیک وه‌ل ستافيگ وەتوانا وەشیوازيگ جوان کار کلیپ ئه‌رای بکەم، وتیش: وەداخەو سەرجەم کارەگان و خه‌رجی ها مل خوه‌م، ئەيە ليوا ئەکا ک نەتويه‌نم وەگوره‌ی پێویست لەى بوارە خزمەت وەهونەر رەسەن بکەم، ئوميدوارم لایەنيگ یاخود کۆمپانیایگ هونەری هاوکارم بوون لەکارەگانم.

 

جى باسه‌ هونەرمەند لەماوەی گوزه‌يشته‌ بەشداری وەرچه‌و لەئاهەنگ و بوونە تایبەتییەگان لەده‌يشت وڵات داشتگه‌، هەمیشە وەهەستيگ وەرپرسیارانە لەبوونەيل نیشتیمانى و نەتەویی کورد ئاماده‌ بويە.

< پێشتر		دواتر >