شـه‌فــه‌ق نــیوز

شه‌فه‌ق/ ئه‌لبووم نوو خانمه‌ گورانیچڕ چۆپی، له‌ژير ناو "شارا" بڵاوه‌وكريا‌ ك‌ گوڵوژنێگ له‌ مه‌قام و حه‌یران

ناوچه‌يل جیا جیای كوردستان گرتگه‌سه‌ خوه‌ی.

 

 

ئێحسان فه‌تاح وه‌ڕێه‌و‌به‌ر كاره‌يل هونه‌ری چۆپی وت" له‌ی هه‌فته‌ نووترین ئه‌لبووم گورانی چۆپی له‌ژێرناو شارا بڵاوه‌وكريا‌ و له‌ 12 تراك گورانی پێكهاتگه‌".

 

 

وتیش "شارا ئه‌و باوه‌ش گه‌نمه‌ ك‌ دويای دره‌وكردن گه‌نمه‌گه‌ كه‌ڵه‌كه‌ ئه‌كريه‌ێ، ئمجا خه‌رمان له‌لێ دروس ئه‌كريه‌ێ، ئه‌و مه‌قامه‌یله‌ ك هانه‌ ناو ئه‌ی ئه‌لبوومه‌، له‌ ناوچه‌يل جیا جیای كوردستان گرده‌وكريانه‌سه‌و‌".

 

 

ئاماژه‌ ئه‌را ئه‌وه‌يشكرد "سێ مه‌قام محه‌مه‌د ساڵح دیلانه‌ ك تایبه‌تن وه‌ شار سلێمانی، هه‌ميش مه‌قاميگ عه‌لی مه‌ردانه‌ و تایبه‌ته‌ وه‌ شار كه‌ركوك و گه‌رمیان، هه‌ميش مه‌قاميگ (مشكۆ)ه‌، وه‌ل دو حه‌یران ك‌ تایبه‌ته‌ وه‌ هه‌ولێر و ئه‌و ناوچه‌یله‌ ك‌ حه‌یران له‌تيان ئويشريه‌ێ".

 

 

ئاشكرایشیه‌وكرد‌ "هه‌ر له‌و ئه‌لبوومه‌ دو مه‌قام بادینی له‌هه‌س، ئه‌وانیش تایبه‌تن وه‌ ده‌ڤه‌ر بادینان له‌ هه‌رێم كوردستان و كوردستان توركیا".

 

 

ئه‌وه‌يش خسته‌ روی "ئه‌و مه‌قامه‌يله‌ شاران و خه‌رمانيگ مه‌قامات پێكهاوردگه‌، بيجگه‌ له‌وه‌يش ناو داڵگ چۆپی شاراس‌ و جوور وه‌فایگ ئه‌را داڵگی ك‌ وه‌پی شه‌كه‌ت بويه‌ وه‌خاتر هونه‌ره‌گه‌ی‌، وه‌پی خوه‌ش بوی ئه‌ی ناوه‌ هه‌ڵوژنێ".

 

 

ئه‌وه‌يش وت "ئه‌ی به‌رهه‌مه‌ له‌ ستۆدیۆی میلۆدی له‌ هه‌ولێر تۆماركرياگه‌، هێمن حوسێن كار ئاماده‌كردن و دابه‌شكردن ئه‌رای كردگه‌، ئاكۆ عومه‌ر سه‌رپه‌رشتی ده‌نگ كردگه‌".

 

 

ئه‌ی به‌رهه‌مه‌ له‌لایه‌ن ڤین پڕۆده‌كشن بڵاوكرياسه‌‌و‌، تا ئيسه‌ دوان له‌ تراكه‌گانی كلیپكريانه‌.

< پێشتر		دواتر >