شـه‌فــه‌ق نــیوز

شه‌فه‌ق/ ھونەرمەند موزیکژەن (ھەڵبەست سەڵاح) لە نووترین کار ھونەری خوه‌ی ئيسه‌ خەریک بەرھەم ھاوردن

پارچە موزيکيگە، ھەميش خەریک ئامادەکارییە ئه‌را ئەلبوميگ، ک خوه‌ی لە (١٠) پارچە موزیک ئەگرێدەو، (ھەڵبەست) لەبارەی ئەو بەرھەمەيل تازە وه‌ ئاژانسه‌يل هه‌واڵ وت: "ئيسه‌ خەریک بەرھەم ھاوردن پارچە موزیکیگ تازەم، وەشيوەی فريه‌ خوويگ کار ئامادەکاری ئه‌رای کردمە و ماوەی نزیکەی ساڵيگە خەریک بەرھەم ھاوردن بەرھەمەگەم".

وتیش: "ئەو بەرھەمە خوه‌م کار ئامادەکردن میلۆدی و ژەنین ئه‌رای ئەنجامدامە، ئاواز موزیکەگە لە بان مەقام "نەھاوەند" ئامادە کردمە و ناوى نامه‌سە "یاد" ك وە یەکيگ لەکارەيل خاس خوه‌م هساوی ئەکەم، متمانەی خاسيگ ديرم، ک بدێدە جی رەزامەندی شەیدایه‌يل موزیک".

(ھەڵەبەست) سه‌باره‌ت وه‌ پارچە موزیک "یاد" ئويشێ: "سوپاس ھاوکاری و شه‌كه‌ت بوين ھەردو ستۆدیۆ "میلۆدی و سۆلۆ" کەم لە شار ھەولێر، کار ژەنین "ئەکۆرد و کیبۆرد" لەلایەن ھونەرمەند (ھێمن حوسێن) ئەنجامدرياگە، ھونەرمەند (ھۆگر عەزیز) کار تومارکردن دەنگ ئه‌نجامداس،ھەميش ھونەرمەند (دڵنیا قەرەداغی) وە شيوەی "ڤۆکاڵ" وەدەنگ بەشداری له‌تی کردگە، "بێست کۆمپانی" لە لایەن ھونەرمەند (بەھجەت نەجات) کار "ماسترینگ" ئه‌رای ئه‌نجامداگه‌".

(ھەڵبەست سەڵاح) لەبارەی کار کلیپ کردن ئەو موزیکە وت: "هامه‌ ته‌ما کار کلیپ پارچە موزیک "یاد" لە دەيشت وڵات ئەنجام بيەم، چوينکە هه‌وه‌جه‌ وە برێگ دیمەن سرووشتی و دەریا دريا ديرم ئه‌را ئەوەگ کاريگ نایاب دەربچوود، ھەميش ئەخوازم ئەو کلیپە لە بڕێگ کەناڵ عەرەبی و فارسی بڵاوه‌و بکەم، وه‌يخاترە بايەد ئيجووره‌ كاريگ بکەم، ک بدێدە جی مه‌يل كيشان و بڵاوه‌وبوينی لەو کەناڵه‌يلە".

ھونەرمەند موزیکژەن (ھەڵبەست سەڵاح) ئاماژە ئه‌را ئەلبوميگ موزیک کرد: "هامه‌ ته‌ما کار ئه‌را چەن تراکيگ موزیک بکەم و ئه‌لبومه‌گه‌ چەن پارچە موزیکيگ کوردی ڕەسەن و چەن پارچە موزيکيگ تازە لە خوه‌ی گرتگە، هامه‌ ته‌ما لە ئەلبوميگ بڵاویه‌و بکەم".

< پێشتر		دواتر >