شـه‌فــه‌ق نــیوز

شه‌فه‌ق/ ڤارێ ستار (7) ساڵان وەئەلبووميگ نوو ئەچێدەو ناو مناڵه‌يل.

ڤارێ دووس ره‌سم كردن و خوه‌نستن مه‌ته‌ڵ ئەکا و وەپلەی نایاب خوه‌ندن پۆل یەک تەواو کردگەو ئيسه‌  خوه‌ندكارە لەپۆل دويەم بنەڕەتی لەخوه‌ندنگای  کەریمی ئەلەکە.

ڤارێ په‌نج ڤیدیۆ کلیپ ئه‌راى کرياگە وەناوەیل (بوکە خونچە، بەبە..بەبە، یاری، نەورۆز، ژیرە ژیرە)، چواریان لەخاک تیڤی کلیپ ئه‌رايان کرياس و ئەوەكه‌ی تریان لەتەلەفزیۆن پەروەردە.

لەساڵی 2010 لەهۆڵ تەوار  کۆنسێرتيگ پێشکەشکردو دوياتر لەسەر ئەرک باوگی (ستار رەئووف) وەسیدی پێشکەش وەمناڵه‌يل کريا.

بڕیاریشە خانەی سمۆرە وەخوه‌شحاڵییەو سپونسەر 5 گورانی نوو ئه‌رای تۆمارو چاپ بکا و وەشيوەی سیدی بڵاوی بکادەو.

گشت ئاواز و موزیکی لەلایەن ئاریان جەلال ئه‌رای دانرياگە و لەلایەن ئارام سەردار تۆمار موزیک ئه‌راى کرياس و تۆمارکردن دەنگ و ماسترینگ لەکۆمپانیای خاوێ فیلم لەلایەن سورین ناتق وەئەنجام ڕه‌سێ.

جی باسە گورانییەگان بریتین لە(ئامۆژگاری، حەمام، منداڵ، جەژنی بوون، تۆپ تۆپێن).

لەتووڕ کومەڵایەتی Facebook پەیج تایبەت خوه‌ی ديرێ ک کار و چالاکی خوه‌ی له‌تی بڵاوه‌و ئەکا.

لەناخ دڵییەو ڤاری فره‌ده‌س خوه‌شی له‌و كه‌سه‌يله‌ ئەکا ک هاوکاری بوين لە گوزه‌يشته‌و ئیسه‌يش ئارزوو ديرێ وەزويترین وه‌خت ئەى سیدی نووە تەواو بوود و بڕه‌سێدە دەس مناڵەيل چه‌وگەش و کۆنسێرتيگ قەشەنگ و جوان پێشکەشيان بکا.