شـه‌فــه‌ق نــیوز

شه‌فه‌ق/ لەچەن رووژ گوزه‌يشته‌ گۆران ساڵح هونەرمەند بويە باوگ و ناو مناڵەگەيشیان نانه‌ (گۆنا).

گۆران ئاشكرايه‌و كرد ک فره‌ دڵخوه‌شە وە هس باوگایەتی و وت: باوگايه‌تی ئه‌رك فره‌ گەورايگە، ئەيە ك ئويشمه‌ی کاريگ نواندن یا گورانی وتن نیە ک وه‌رجله‌ يه‌ ئه‌نجامی داويم و ئيستا دووارەو بويدەو، بەڵکم هس کردم وەڕاسی بويمەسە باوگ و ئه‌ركيگ ها بان شانم ك جوور باوگيگ بتويه‌نم پەروەردەیگ تەندروست مناڵه‌گه‌م بکەم.

گۆران مه‌مه‌ر ناو (گۆنا)يش ئه‌را ئەوە بردەو ک خوه‌ی دووس ناوەگە داشتگەو هەميش گۆنا بەشيگ دیار جەسەی ئنسانەو وەردەوام لەسیمای گشت کەسيگ دوینريه‌ێد.

سەبارەت وه‌ نووترین کار هونەریشی گۆران ئاماژە ئه‌را ئەوە کرد ک ها ته‌ماى چەن پرۆژەیگ وە تایبەت کلیپکردن بەرهەميگ وە ستایل و شێوازيگ نوو، وه‌لی زانیاری زیاتر باس نه‌كرد.