شـه‌فــه‌ق نــیوز

نه‌خشه‌ی خوه‌شه‌ويسی له‌ هوير كه‌سيگ تاريف كرياگه‌و باس له‌ قه‌يريگ سفه‌ت كه‌يگ و توايگ ئاده‌ميزاد بوه‌سيگه‌ كه‌سيگ تره‌وه‌ يا په‌يوه‌ندی

بكه‌يگ .

ده‌روينناسه‌يل باس له‌ هووكاره‌يل كه‌ن و شيه‌وكردنيگ ئه‌نجام دانه‌و له‌تی ئويشن : ئه‌و كه‌سه‌يله‌ ك يه‌كمجار كه‌سيگ دوينن يا وه‌چه‌واشه‌وه‌ ئاسووده‌ بوون ، ئه‌وه‌يش وه‌ ئه‌ڵڵاجه‌وی زانن . ئمجا ئايا له‌ ژياند ئه‌گه‌ر هات و چه‌ود كه‌فته‌ كه‌سيگ ئاسووده‌ييگ ناسروشتی ره‌سيگه‌پيد ؟ به‌عزه‌ كه‌سه‌يليگيش هه‌س وه‌ختيگ ئه‌را يه‌كمجار كه‌سيگ دوينن هس وه‌ بيزاری و ناڕه‌حه‌تی كه‌ن ، ئمجا ئه‌را ئه‌و هسه‌ زانايه‌يل و شاره‌زايه‌يل ئويشن گوايا له‌ مه‌غز ئاده‌ميزاد نه‌خشه‌ی خوه‌شه‌ويسی هه‌س . ئه‌و نه‌خشه‌ يارمه‌تی ئاده‌ميزاد ده‌يگ ئه‌را ئه‌وه‌ك كه‌س وه‌رانوه‌ر په‌سه‌ن بكه‌يگ وه‌ گريه‌داين په‌يوه‌ندی يا وه‌چه‌واشه‌وه‌ .

زانايه‌يل ئی مه‌يدانه‌ قانجاز نه‌خشه‌ی خوه‌شه‌ويسی له‌ مه‌غز ئاده‌ميزاد وه‌ ئه‌وه‌ تاريف كه‌ن ، ك پيكهاتگه‌ له‌ قه‌يريگ سفه‌ت ك ئاده‌ميزاد وه‌ وجوودی له‌ كه‌س وه‌رانوه‌ر وه‌نموونه‌ دوينيگه‌ی ك خوازيار گريه‌داين په‌يوه‌نديه‌ وه‌ليا . ئمجا وه‌ختيگ ئه‌و سفه‌ته‌يل خاس وه‌رانوه‌رده‌ له‌ناو هويرد قه‌بوول و په‌سه‌ن بكه‌يد ، دی ئه‌و وه‌خته‌ هس وه‌ مه‌يلكيشان و نزيكه‌وبوينی كه‌يد و له‌هه‌مان وه‌ختيش وه‌ چه‌واشه‌وه‌ ئه‌گه‌ر هات و كه‌س وه‌رانوه‌رد سفه‌ته‌يلی خاس نه‌وی يا وه‌دڵد نه‌وی ئه‌وه‌ بيگومان وه‌ديده‌نی بيزار و ناڕه‌حه‌ت بويد .

گشت سه‌فه‌ته‌يل له‌ گشت قوناغيگ له‌ناو هوير ئاده‌ميزاد چه‌سپيه‌ن و كۆپی يا نه‌سخ بوون ، ئه‌را نموونه‌يش : خه‌نستن دايگ و نازوه‌پيداين باوگ ، ك ئه‌يانه‌ له‌ ژيان له‌نه‌خشه‌ی مه‌عز وهوير ميننه‌وه‌  .

وه‌ختيگ كه‌سيگ دوينيد و فره‌ترين مه‌رجه‌يلدان هاوشيوه‌ن ، دی مه‌عز له‌و وه‌خته‌ يه‌ك مادده‌ی كيمياوی ده‌رخه‌يگ ك هس وه‌ شادی و ئاسووده‌يی كه‌يگ .

بيجگه‌ ئه‌وه‌يش ، له‌ش هۆرمۆنات تر ده‌رخه‌يگ وه‌ك ( ئه‌ردينالين و ئه‌لنورادينالين ) ك بووگه‌ سه‌به‌ب قرمزه‌وبوين ده‌م وچه‌و ، ئه‌ره‌قكردن ، هه‌ناسه‌ تونی ، فره‌بوين كووتان دڵ .

كاريگه‌ری ده‌رداين ئه‌و مادده‌ی كيمياويه‌ بووگه‌ سه‌به‌ب كه‌می نسبه‌ی خوين و ئاده‌ميزاديش تويش بيزاری و شه‌كه‌تی كه‌يگ . ئمجا وه‌ل ئه‌وه‌يشا ئسپات ئه‌وه‌يش كه‌يگ ك ئه‌و كه‌سه‌يله‌ خوه‌ش يه‌كيگ توان و دويرن له‌لی خه‌مين بوون ، بيگومان يه‌يش راسيه‌و زانايه‌يل و شاره‌زايه‌يل ئی مه‌يدانه‌ وه‌ ئاشكرا دگان وه‌پيا نه‌ن .

< پێشتر		دواتر >