شـه‌فــه‌ق نــیوز

شه‌فه‌ق/ له‌دويا به‌رنامه‌ی‌ ئۆپڕا، وه‌رانوه‌ر وه‌ (30) چركه‌ ڕیكلام یه‌ك ملیۆن دۆلار ‌دريه‌ێ.

ئه‌و كۆمپانیايله‌‌ ك‌ ئه‌خوازن له‌دويا ئه‌ڵقه‌ی‌ به‌رنامه‌ی‌ (ئۆپڕا وێنفری‌ شۆ) ڕیكلام بكه‌ن، بايه‌ته‌ ئه‌را هه‌ر (30) چركه‌ یه‌ك ملیۆن دۆلار بيه‌ن.

خانمه‌ پێشكه‌شكار (ئۆپرا وێنفری‌) بڕیاره‌  له‌ 25‌ مانگ‌ ئه‌یار له‌كه‌ناڵ‌ (ABC)یه‌و‌ دويا ئه‌ڵقه‌گه‌ی‌ به‌رنامه‌ی‌ ئۆپرا پێشكه‌ش بكا، ك‌ بینه‌ر و لایه‌نگر‌ فره‌یگ‌ ديرێ‌، ئه‌و خانميشه‌ وتگه‌، ئه‌و كۆمپانیايله‌‌ ك‌ ئه‌خوازن له‌و به‌رنامه‌ ڕیكلام ئه‌را كۆمپانیاگان‌ و كاڵاگانیان بكه‌ن، بايه‌ته‌ ئه‌را هه‌ر (30) چركه‌ یه‌ك ملیۆن دۆلار بيه‌ن.

وه‌گوره‌ی‌ لێكۆڵینه‌وه‌یگ‌ میدیای‌ هۆریزۆن ئه‌را لێكۆڵینه‌وه‌ له‌بان په‌یوه‌ندی‌ ناونی میدیا‌و موشته‌ری، داهات‌ ڕیكلامه‌گان‌ دويا ئه‌ڵقه‌ی‌ به‌رنامه‌ی‌ ئۆپرا وه‌ملیۆنه‌ها دۆلار مه‌زه‌نه‌ ئه‌كريه‌ێ، ك‌ داهات‌ ڕیكلامه‌گان‌ هه‌ردو زنجیره‌یل‌ (لۆست‌و 24) بگوزه‌رنێ، ك خاو‌ن‌ چه‌نه‌ها ملیۆن بینه‌رن.

ڕیكلامكردن له‌دويا ئه‌ڵقه‌ی‌ زنجیره‌ درامای‌ لۆست ئه‌را هه‌ر 30 چركه‌ (900) هه‌زار دۆلار بويه‌، ڕیكلامكردنیش له‌دويا ئه‌ڵقه‌ی‌ زنجیره‌ درامای‌ (24) ئه‌را هه‌ر (30) چركه‌ (650) هه‌زار دۆلار بوی.