شـه‌فــه‌ق نــیوز

شه‌فه‌ق/ دويای‌ په‌خشكردن‌ ڕاپۆرتيگ له‌بان شاشه‌ی‌ (ته‌له‌فزیۆن جه‌دید)‌ لوبنانی‌ وله‌باره‌ی‌ ئه‌وه‌گ سرود‌

نیشتمانی‌ لوبنان دزياس‌، هه‌زاران لوبنانی‌ تويش‌ گومان بوين له‌وه‌گ‌ سرود نیشتمانيیان له‌بنه‌ڕه‌ت مه‌غربییه‌.

 

(غه‌سان ڕه‌حبانی‌) هونه‌رمه‌ند‌  لوبنانی‌ داوایگ‌ ئاراسته‌ی‌ دادگا كردگه‌ ئه‌را لێكۆڵینه‌وه‌ له‌و ڕاپۆرته‌، له‌هه‌مان وه‌خت داوا ‌كرياس كيشه‌گه‌ به‌رز بكريه‌ێده‌و‌ ئه‌را لایه‌ن‌ په‌یوه‌ندیدار ‌و پسپۆڕ ئه‌را لێكۆڵینه‌وه‌، ئه‌گه‌ر تۆمه‌ت‌ دزیكردنه‌گه‌ ڕاس ده‌ربچوود ئه‌و وه‌خته‌ داوای‌ ئاڵشتكردن‌ سرود‌ نیشتمانی‌ ‌كه‌ن له‌زوي‌ترین وه‌خت.

 

ڕاپۆرته‌ ته‌له‌فزیۆنییه‌گه‌ ئاشكرا كرد، له‌ئاواز ‌و هۆنراوه‌گه‌ له‌يه‌كچوينيگ هه‌س‌، ك‌ مينيده ‌سرود‌ كۆمار ڕیفى‌ مه‌غربی‌، ك‌ له‌ساڵ‌ (1921) دامه‌زرياس ‌‌و له‌ساڵ‌ (1926)یش وه‌په‌لاماريگ‌ هاوبه‌ش‌ فه‌ره‌نسا‌ و ئسپانیا كۆتایى وه‌پیهاتگه‌، سروده‌ نیشتمانییه‌گه‌ی‌ لوبنانیش دويای‌ ساڵيگ له‌ساڵ‌ (1927) پشت‌ وه‌پى به‌سياس‌.

 

(ڕه‌حبانی‌) ئه‌و له‌يه‌كچوينه‌ وه‌كاره‌ساتيگ‌ گه‌ورا‌ ناو ئه‌وا ئه‌گه‌ر ئسبات بوود‌، ك سروده‌گه‌ دزياس‌، زانستن‌ له‌يه‌كچوينه‌گه‌يش وه‌ڕێكه‌فت بويه‌، وه‌ختيگ (فوئاد خوری‌) هاوڕێ‌ ڕه‌حبانی‌ ته‌ماشای‌ فیلميگ‌ دۆكۆمێنتی‌ كردگه‌، ئه‌رای‌ ئاشكرا بويه‌ سرود‌ كۆمار‌ ڕیف كاریگه‌ری‌ له‌بان ئاوازدانه‌ر (محه‌مه‌د فله‌یفل) داشتگه‌ له‌ساڵ‌ (1924) وه‌رجله‌ سرود نیشتمانی‌ لوبنان.

 

(جه‌مال فله‌یفل) كوڕ‌ (محه‌مه‌د فله‌یفل)‌ ئاوازدانه‌ر‌ وه‌ڕه‌گه‌ز لوبنانی‌ ئعلان كردگه‌ ئاوازه‌ مه‌غربییه‌گه‌ ئاواز‌ باوگيه‌‌.

 

له‌لایگ تر‌‌ برارزای‌ (ئبراهیم تۆقان) شاعر وتگه‌‌:"وه‌خاتر‌ ئه‌وه‌گ‌ فلیفل هه‌وه‌جه‌‌ وه‌پويل‌ داشتگه‌ جاريگ‌ تر ئاواز‌ سروده‌گه‌ی‌ فرووشتگه‌ وه‌ (ئبن ڕیف)‌ مه‌غربی‌".

< پێشتر		دواتر >